31 ޖެނުއަރީ 2022 - 19:54
ހުޅުމާލޭގައި މިރޭ ހަވާ އަރުވަން ހަމަޖެހިފައިވާ ކަމަށް އެމްއެންޑީއެފުން ބުނެފި އެވެ.
އެތަނުން ބުނީ ހަވާއެރުވުން އޮންނާނީ މިރޭ 11:45 ގައި ފޭސް ދޭއްގައި ކަމަށެވެ. ހަވާ އެރުވުމުގެ މި އިވެންޓަކީ އަމިއްލަ ފަރާތެއްގެ އެދުމަކަށް ބާއްވަން ހަމަޖެހިފައިވާ ހަރަކާތެއް ކަމަށް ވެސް އެމްއެންޑީއެފުން ބުންޏެވެ.
މީގެ ކުރިން ވެސް އަމިއްލަ ފަރާތްތަކުން އެދިގެން އެކިއެކި އިވެންޓްތަކުގައި ސިފައިން ހަވާ އަރުވައި ދީފައިވެ އެވެ.
ރާއްޖޭގައި މި ފަހަކަށް އައިސް އެކިއެކި ހާއްސަ މުނާސަބުތަކާއި ހާއްސަ އިވެންޓްތަކާ ގުޅުވައިގެން ހަވާ އެރުވުމަކީ އާންމު ކަމެކެވެ. އެންމެ ފަހުން މާލެ ސަރަހައްދުގައި ހަވާ އެރުވުމުގެ ބޮޑު ހަރަކާތެއް ކުރިއަށް ގެންދިޔައީ މި އަހަރުގެ އާ އަހަރު ފާހަގަކުރުމާ ދިމާކޮށެވެ.