02 މާޗް 2022 - 08:33
މި މަހުގެ އަށް ވަނަ ދުވަހު ފާހަގަކުރާ އަންހެނުންގެ ދުވަހާ ގުޅުވައިގެން "ނޮމިނޭޓް ޔުއަ ވޮންޑަ ވުމަން" ގެ ނަމުގައި އައިކެއާއިން ހާއްސަ ކެމްޕޭނެއް ފަށައިފި އެވެ.
މި ކެމްޕޭނުގައި ބައިވެރިވާން އެ މީހެއްގެ ދިރިއުޅުމުގެ "ވޮންޑަ ވުމަން" ނޮމިނޭޓް ކުރުމަށް އެ މީހަކު ޓެގްކޮށް، އޭނާގެ ވާހަކަތައް ހިއްސާކުރަން ވާނެ އެވެ. މިއީ އިންސްޓަގްރާމުގައި ހިންގާ ކެމްޕޭނަކަށް ވާތީ އިންސްޓަގްރާމް ސްޓޯރީގައި އެ މީހަކު "ވޮންޑަ ވުމަން" ނުވަތަ ފިސާރި ކަނބަލަކަށް ވީ ސަބަބާ އެކު އެ މީހެއްގެ ފޮޓޯ ހިއްސާކުރަން ވާނެ ކަމަށް އައިކެއާ އިން ބުންޏެވެ. ޕްރައިވެޓް އެކައުންޓެއް ނަމަ ސްޓޯރީ ނުވަތަ ޕޯސްޓުގެ ސްކްރީންޝޮޓް އައިކެއާ ޕޭޖަށް ފޮނުވަން ވާނެ އެވެ.
މީގެ އިތުރުން އިންސްޓަގްރާމުގެ އައިކެއާ ޕޭޖަށް ފޮލޯކޮށް އެ ޕޭޖުގައިވާ ޕޯސްޓަށް ލައިކު ކުރުމަށް ފަހު ނޮމިނޭޓް ކުރަން ބޭނުންވާ މީހާގެ ނަން ނުވަތަ އޭނާ ކޮމެންޓުގައި ޓެގް ކުރަން ވެސް ޖެހޭނެ އެވެ.
"ވޮންޑަ ވުމަން" ނޮމިނޭޓް ކުރާ މީހުންގެ ތެރެއިން ހޮވާލެވޭ މީހަކަށް ދެ އަވިއައިނު ނުވަތަ ނަންބަރު އައިނު ފްރޭމް ލިބޭނެ އެވެ. މި ކެމްޕޭނުގެ ނަސީބުވެރިޔާ ހޮވާނީ މި މަހުގެ ނުވަ ވަނަ ދުވަހު އެވެ.
އައިކެއާއިން ވަނީ އަންހެނުންގެ ދުވަހާ ގުޅުވައިގެން މިމަހުގެ އަށްވަނަ ދުވަހު އަވިއައިނުގެ ވިޔަފާރީގެ 10 ޕަސެންޓް "މޮމްސް" ޖަމިއްޔާއަށް ހަދިޔާ ކުރަން ނިންމާފަ އެވެ. "މޮމްސް" ޖަމިއްޔާ އަކީ އެހީ ބޭނުންވާ އާއިލާތަކަށް އެ އެހީތެރިކަން ފޯރުކޮށްދޭ ޖަމިއްޔާއެކެވެ.
މި ހަރަކާތުގެ ދަށުން އައިކެއާގެ ފިހާރަތަކުގައި ޑޮނޭޓް ކުރުމަށް ފޮށި ވެސް ބަހައްޓާނެ އެވެ. ޑޮނޭޓް ކުރަން ބޭނުންވާ މީހުންނަށް 'މޮމްސް' ޖަމިއްޔާގެ އެކައުންޓް، ދިވެހި ރުފިޔާ އިން ނަމަ 7730000294482 އަށް، ޑޮލަރުން ނަމަ 7730000294483 އަށް ފައިސާ ޖަމާ ވެސް ކުރެވޭނެ އެވެ.