22 ޑިސެމްބަރ 2016 - 00:16
އާ އަހަރު ފާހަގަކުރުމަށް ސްރީ ލަންކާ އަށް ދަތުރުކުރުމަށް 150 ޑޮލަރަށް ދެކޮޅު ޓިކެޓް ވިއްކާ ޕްރޮމޯޝަނެއް މެގަ މޯލްޑިވްސް އިން ފަށައިފި އެވެ.
ރާއްޖޭގެ އެންމެ ބޮޑު އަމިއްލަ އެއާލައިން، މެގަ އިން ބުނިގޮތުގައި މާލެ-ކޮލަމްބޯ ފްލައިޓް އޮންނާނީ މި މަހުގެ 29 ނުވަތަ 30 ގަ އެވެ. ކޮލަމްބޯ-މާލެ ފްލައިޓް އޮންނާނީ އަންނަ މަހުގެ 2 ނުވަތަ 5 ގަ އެވެ.
މެގަ އިން ވަނީ މިދިޔަ މަހު ސްރީ ލަންކާ އަށް ދަތުރު ފަށައިފަ އެވެ. އެގޮތުން، ކޮލަމްބޯ އަށް ހަފުތާއަކު ތިން ފްލައިޓް މެގަ އިން ބާއްވަ އެވެ. އާންމުކޮށް ލަންކާ ދެކޮޅު ޓިކެޓެއް ވިއްކަނީ 165-175 ޑޮލަރާ ދެމެދުގެ އަގެއްގަ އެވެ.
މީގެ އިތުރުން، މެގަ އިން ވަނީ އިންޑިއާގެ ވެރިރަށް ދިއްލީ އަށް ވެސް މިދިޔަ މަހު ދަތުރުތައް ފަށައިފަ އެވެ. އަދި މުމްބާއީ އަށް ވެސް ފްލަައިޓް އޮޕަރޭޓް ކުުރުމަށް އަންނަނީ ތައްޔާރުވަމުންނެވެ.