12 މެއި 2022 - 07:10
މިދިޔަ އަހަރު ނެރުނު އެންމެ ވަރުގަދަ ޝޯތަކާއި ފިލްމުތަކުގެ އަގުވަޒަން ކުރުމަށް އެމްޓީވީ އިން ބާއްވާ އެވޯޑު ޝޯގެ ނޮމިނޭޝަން ލިސްޓުގެ ކުރީގައި "ސްޕައިޑާމޭން: ނޯ ވޭ ހޯމް" އާއި "ޔޫފޯރިއާ" ހިމެނިއްޖެ އެވެ.
އެމްޓީވީގެ މޫވީ އެންޑް ޓީވީ ޝޯ އެވޯޑްސްގެ ނޯމިނޭޝަން ލިސްޓުގައި ފިލްމުތަކުގެ ބައިން އެންމެ ކުރީގައި އުޅެނީ ސްޕައިޑަމޭން އާއި ޑޫން އެވެ. އަދި ޝޯތަކުގެ ލިސްޓުގައި އުޅެނީ އެޗްބީއޯގެ ޑްރާމާ ޔޫފޯރިއާ އެވެ.
އެ ހުރިހާ އެއްޗެއްގައި ވެސް ޒުވާން އެކްޓަރު ޒެންޑާޔާ ހިމެނޭ ކަމަކީ ގިނަ ފޭނުންނަށް ވަގުތުން ފާހަގަކުރެވުނު ކަމެކެވެ.
އެމްޓީވީގެ އެވޯޑަކީ އެހެން އެވޯޑުތަކަށް ވުރެ ތަފާތު ކެޓަގަރީތައް ހިމެނޭ އެވޯޑެކެވެ. އެގޮތުން އެންމެ މޮޅު "ފައިޓް" އާއި އެންމެ ބިރުގަނެފައިވާ ސީން ކުޅުނު ތަރި އާއި އެންމެ މޮޅު ޓީމު ފަދަ އެވޯޑުތައް އެ އެވޯޑުގައި ދެ އެވެ.
ޖުމްލަ 26 ކެޓަގަރީ ހިމެނޭ އެ އެވޯޑު ޝޯއަކީ ފޭނުންގެ ޝޯއެކެވެ. އެންމެ ކަމުދާ އެވޯޑުތައް ހޮވާނީ ފޭނުންގެ ވޯޓުންނެވެ.
އެމްޓީވީ އެވޯޑު ޝޯ ބޭއްވުމަށް ހަމަޖެހިފައިވަނީ އަންނަ މަހުގެ ފަހެއްގަ އެވެ.