16 މެއި 2022 - 13:48
އަލަށް ކްރެޑިޓް ކާޑު ހައްދާ މީހުންނަށް އަމާޒުކޮށް ބީއެމްއެލުން ޕްރޮމޯޝަނެއް ފަށައިފި އެވެ.
ބީއެމްއެލުން ބުނީ އެ ޕްރޮމޭޝަންގެ ދަށުން، އަލަށް ކާޑު ހައްދާ މީހުން ދައްކަން ޖެހޭ ޖޮއިނިން ފީ އާއި ފުރަތަމަ އަހަރުގެ އެނުއަލް ފީ ދައްކަން ނުޖެހޭނެ ކަމަށެވެ. އަދި ބޭންކުން އެންމެ ފުރަތަމަ އެޕްރޫވް ކުރާ 200ރ. ވެސް ކާޑަށް ކޭޝްބެކް ދިނުމަށް ހަމަޖެހިފައިވާ ކަމަށާއި ކޮންމެ ކާޑަކަށް ވެސް ކޭޝްބެކްގެ ގޮތުގައި 2500ރ. ދިނުމަށް ނިންމާފައިވާ ކަމަށް ބީއެމްއެލުން ބުނެ އެވެ.
މި ޕްރޮމޯޝަންގެ ދަށުން ކޮންމެ ހަފްތާ އަކު ކްރެޑިޓު ކާޑަށް އެދި ހުށައަޅާ ކަސްޓަމަރުންގެ މެދުގައި ނަގާ ގުރުއަތުން ހޮވޭ ފަރާތަކަށް 5،000ރ.ގެ ގިފްޓް ކާޑެއް ލިބޭނެ އެވެ. އަދި އެންމެ ފުރަތަމަ އެޕްރޫވް ކުރާ 2000 ކާޑަށް 3000 ބީއެމްއެލްގެ ރިވޯޑް ޕޮއިންޓްސް ވެސް ލިބޭނެ އެވެ. ބީއެމްއެލްގެ ރިވޯޑް ޕޮއިންޓްސް ބޭނުން ކޮށްގެން ގިނަ އެއާ ލައިނާއި، ހޮޓާތަކާއި، ކާރު ކުއްޔަށް ނެގުމުގެ އިތުރުން އެމެޒޯން، އެޕްސްޓޯ، އައިޓިޔުންސް، ގޫގުލް ޕްލޭ، ޕްލޭސްޓޭޝަން ފަދަ ބްރޭންޑުތަކުގެ ގިފްޓު ކާޑު ގަތުމުގެ ފުރުސަތު ވެސް ލިބޭނެ އެވެ.
މި ޕްރޮމޯޝަން ކުރިއަށް ދާނީ އަންނަ މަހު 30 ވަނަ ދުވަހުގެ ނިޔަލަށެވެ.