19 ޖޫން 2022 - 14:14
ބައްޕައާއެކު ފޮޓޯއެއް ނެގުމުން އެސްޓީއޯ އިން ހަދިޔާ ހޯދުމުގެ ފުރުސަތު ހުޅުވާލައިފި އެވެ.
ގިނަ ހަދިޔާތަކެއް ލިބޭ އެ ހަރަކާތުގެ ބޭނުމަކީ މިއަދު ފާހަގަކުރާ ބައްޕައިންގެ ދުވަހުގައި ބައިވެރިވުން ކަމަށް އެސްޓީއޯ އިން ބުނެ އެވެ.
މިރޭ 12:00 އާ ހަމައަށް އެ ހަރަކާތް އޮންނާނެ އެވެ.
އެސްޓީއޯ އިން ބުނިގޮތުގައި، ޕީޕަލްސް ޗޮއިސް އަށް ގޮސް، އެ ތަނުގައި ހުރި ދުވަހަށް ހާއްސަ ބެކްޑްރޮޕްގައި، ބައްޕައާއެކު ފޮޓޯއެއް ނަގައި ސޯޝަލް މީޑިއާގައި އެ ފޮޓޯ ހިއްސާ ކުރުމުން ހަދިޔާ ލިބޭނެ އެވެ.
ފޮޓޯ ހިއްސާ ކުރާނީ "FathersDaywithSTO#"، މި ހޭޝްޓެގު ޖަހައިގެންނެވެ. ޓްވިޓާ، އިންސްޓަގްރާމް އަދި ފޭސްބުކަށް ލާ ފޮޓޯ ބަލައިގަންނާނެ ކަމަށް އެސްޓީއޯ އިން ބުނެ އެވެ. ފޮޓޯ ހިއްސާ ކުރާ ހުރިހާ އެންމެނަށް ވެސް ހަދިޔާ ލިބޭނެ އެވެ.
އެ ހަދިޔާތަކުގެ ތެރޭގައި ޓްރިމަރާއި ޝޭވް ކުރާ ސާމާނު އަދި ގެރިކިރާއި ނަޓެއްލާ ފަދަ ގްރޮސަރީސް ހިމެނެ އެވެ.
އެސްޓީއޯ ޕީޕަލްސް ޗޮއިސް އިން ވިއްކާ، ފިރިހެނުންގެ މެދުގައި މަގްބޫލް ރެމިންގްޓަން އަދި ފިލިޕް ބްރޭންޑްގެ ޝޭވް ކުރާ ސާމާނު އަދި ޓްރިމަރުން 10 ޕަސެންޓްގެ ޑިސްކައުންޓް ވެސް މިއަދު ލިބެ އެވެ.