07 އޮކްޓޯބަރ 2022 - 15:05
ބަނޑުން ޖަހާލާފާއި އޮއްވައި އއ. މާޅޮސް ކައިރިން މިއަދު ލޯންޗެއް ފެނިގެން އެއާ ބެހޭ މައުލޫމާތު ހޯދަން ފަށައިފި އެވެ.
އެމްއެންޑީއެފުން ބުނީ މާޅޮހުގެ ދެކުނުން، ކަނޑުމަތީގައި ބަނޑުން ޖަހާލާފައި އޮތް ލޯންޗެއް ފެނިފައިވާ ކަމަށާއި އެ ލޯންޗު ފެނުނުއިރު އޭގައި އެއްވެސް މީހަކު ނެތް ކަމަށެވެ.
އެ ލޯންޗު މިހާރު އޮތީ މާޅޮހު ބަނދަރަށް ވައްދައިފަ އެވެ. ސިފައިން ވަނީ އެ ލޯންޗު ފެނުނު ސަރަހައްދާއި އޭގެ ރަޖިސްޓްރޭޝަން ނަންބަރު ފެންނަ ފޮޓޯއެއް ވެސް އާންމުކޮށްފަ އެވެ.
އެ ލޯންޗާ ބެހޭ އެއްވެސް މައުލޫމާތެއް ލިބިފައިވާ ނަމަ ކޯސްޓްގާޑުގެ ހިލޭ ގުޅޭނަމްބަރު 191 ނުވަތަ 3395981، 3398898 ނަންބަރަށް ގުޅަން އެދިފައިވެ އެވެ. އަދި ވައިބަ ކުރައްވާ ނަމަ، 9931082 އަށް ގުޅައި، އެ މައުލޫމާތު ހިއްސާކުރުމަށް ސިފައިން އެދިފައިވެ އެވެ.