15 ޖެނުއަރީ 2023 - 11:55
ސްޓީލް ހާޑްވެއާއިން ވިއްކާ އައިޓަމްތައް އެމްއައިބީގެ ކްރެޑިޓް ސްކީމުގެ ދަށުން ދޫކުރެވޭ އިންތިޒާމު ހަމަޖައްސައިފި އެވެ.
ސްޓީލް ހާޑްވެއާއިން ބުނި ގޮތުގައި މި މަހުގެ ކުރީ ކޮޅު އެމްއައިބީއާ އެކު ވެފައިވާ ޕާޓްނާޝިޕް އެގްރީމަންޓުގެ ދަށުން އެމްއައިބީ ކަސްޓަމަރުންނަށް އެ ތަނުގައި ވިއްކާ އެކި ޕްރޮޑަކްޓުތައް ކްރެޑިޓް ސްކީމުގެ ދަށުން ނެގޭނެ އެވެ. ކްރެޑިޓް ސްކީމުގެ ދަށުން ތަކެތި ނެގޭނެ އިންތިޒާމު ހަމަޖަެއްސީ ކަސްޓަމަރުންނަށް ފަސޭހަގޮތެއް ހޯދައި ދިނުމަށް ކަމަށް ވެސް ބުންޏެވެ.
ކްރެޑިޓް ސްކީމަށް މުދާ ނަގަން ބޭނުންވާ ކަސްޓަމަރުން އެ ސްކީމުން މުދާ ނެގުމަށް އެދި ހުށަހަޅަން ޖެހޭނީ ސްޓީލް ހާޑްވެއާގެ ހެންވޭރުގައި ހުންނަ ބްރާންޗަށެވެ.
ކްރެޑިޓް ސްކީމަށް ނަގާ މުދަލަކީ އިންސްޓޯލްމަންޓު އުސޫލުން ކަނޑައެޅިފައިވާ އަދަދެއް ކޮންމެ މަހަކު ވެސް ދައްކާ އެ މުދަލުގެ އަގު ހަމަކުރުމަށް އެމްއައިބީއިން ތައާރަފްކޮށްފައިވާ ސްކީމެކެވެ.
ސްޓީލް ހާޑްވެއާ އަކީ ކޮންސްޓްރަކްޝަން މެޓީރިއަލް، ޕަވާ ޓޫލްސް، ރޫފިން މެޓީރިއަލްސް، ޓައިލްސް އަދި ފްލޯރިންގެ އިތުރުން ގިނަ އަދަދެއްގެ އެކި ކަހަލަ އިކުއިޕްމަންޓު ވިއްކާ ތަނެކެވެ. އެ ތަނުން ދާދި ފަހުން ވަނީ ވަޔަރު ކުރުމާއި، ނެޓްވޯކުތައް އެޅުމުގައި ބޭނުން ކުރާ އާރްއާރް ބްރޭންޑުގެ ކޭބަލް ތައާރަފް ކޮށްފަ އެވެ.