03 ނޮވެމްބަރ 2023 - 16:55
މައްސަލައަކާ ގުޅިގެން ހައްޔަރުކުރި މީހަކު އަތޮޅުވެއްސަށް ގެންދިޔަ މަގުމަތީގައި ފިލައި، މޫދަށް ފުންމާލައިގެން އުޅެނިކޮށް އޭނާ އަނެއްކާ ވެސް ހައްޔަރުކޮށްފި އެވެ.
"މިހާރު" އަށް އެނގިފައިވާ ގޮތުގައި އޭނާ އަތޮޅުވެއްސަށް ގެންދިޔަ ފުލުހުންގެ ވެހިކަލުން އަތޮޅުވެހި ކައިރި އަށް ބޭލިތަނުން ދުވެފައި ގޮސް މޫދަށް ފުންމާލި އެވެ. އަދި އޭނާ ފަތާފައި ދިޔައީ ކަނޑަށެވެ. ފުލުހުން ވަގުތުން ދެ ލޯންޗެއްގައި ގޮސް އޭނާ ކަނޑުން ނެގި އެވެ. އޭރު އޭނާ އޮތީ ތޮށިގަނޑާ މާ ދުރަކު ނޫނެވެ.
އެކަމަކު ފުލުހުންގެ ބަހެއް ނުލިބޭތީ އެއީ ކޮން މައްސަލައެއްގައި ހައްޔަރުކޮށް ގެނައި މީހެއް ކަމެއް ސާފެއް ނުވެ އެވެ.
އޭނާ ސަލާމަތް ކުރަން ތިން ފުލުހަކު މޫދަށް ވެސް ފުންމާލި އެވެ.