މޯލްޑިވްސް މަނިޓަރީ އޮތޯރިޓިއާ ގުޅުން ހުރި އިހުގެ ތާރީހީ ފޮޓޯތައް ހޯދަން އެ އޮތޯރިޓީން އިއުލާންކޮށްފި އެވެ.
އެމްއެމްއޭއިން ބުނީ އެ ފޮޓޯތައް ހޯދަނީ އޮތޯރިޓީގެ ތާރީހާ ބެހޭ ފޮތެއްގައި ބޭނުންކުރަން ކަމަށެވެ. އެ އެތޯރިޓީއާ ގުޅުން ހުރި ތާރީހީ ފޮޓޯތައް ހުރި ފަރާތްތަކުން އެ ފޮޓޯތައް މިމަހުގެ 24 ވަނަ ދުވަހުގެ 3 ޖަހަންދެން [email protected]އަށް މެއިލްކުރުމުގެ ފުރުސަތު ވަނީ ހުޅުވާލައިފަ އެވެ.
އެމްއެމްއޭއިން ބުނި ގޮތުގައި އެ އޮތޯރިޓީއަށް ލިބޭ ފޮޓޯތައް ބޭނުން ކުރާނީ އޭގެ ވެރިފަރާތާއި މަޝްވަރާކޮށް އެއްބަސްވެވޭ ގޮތެއްގެ މަތިންނެވެ.
މަރުކަޒީ ބޭންކާ ގުޅޭ ތާރީހީ ފޮޓޯތައް، އެއްވެސް މީހެއްގެ އަތުގައި ހުރި ނަމަ ކަނޑައެޅިފައިވާ މުއްދަތުގެތެރޭގައި އެމްއެމްއޭއާ ހިއްސާކުރަން ވެސް އިއުލާނުގައި ވަނީ އެދިފަ އެވެ.