ރާއްޖެ އާއި ޕާކިސްތާނުގެ ކަރާޗީއާ ދެމެދު ގައުމީ އެއާލައިންގެ ދަތުރުތައް ވަރަށް އަވަހަށް ފަށާނެކަން ރައީސް ޑރ. މުހައްމަދު މުއިއްޒު ދެންމެ އިއުލާން ކުރައްވައިފި އެވެ.
އެ މަނިކުފާނު އެކަން އިއުލާން ކުރެއްވީ ޕާކިސްތާންގެ ވިޔަފާރިވެރިންނަށް ހާއްސަ ކޮށްގެން އިސްލާމްއާބާދުގައި މިހާރު ކުރިއަށް ގެންދާ މޯލްޑިވްސް ބިޒްނަސް ފޯރަމްގަ އެވެ.
ޕާކިސްތާނުގެ ބޮޑުވަޒީރު ޝެހްބާޒް ޝަރީފްގެ ދައުވަތަކަށް ރައީސް މުއިއްޒު ކުރައްވަމުން ގެންދަވާ ދަތުރުފުޅުގައި އިއްޔެ ވަނީ 20 އެމްއޯޔޫއެއްގައި ސޮއިކޮށްފަ އެވެ. އޭގެ ތެރެއިން އެންމެ މުހިންމު އެއް އެމްއޯޔޫއަކީ ރާއްޖެ އާއި ޕާކިސްތާނާ ދެމެދު ވައިގެ ދަތުރުތައް އަލުން ފެށުމާ ގުޅޭ އެމްއޯޔޫ އެވެ.
ރައީސް މުއިއްޒު މިއަދު ވިދާޅުވީ، ރާއްޖެ އާއި ކަރާޗީއާ ދެމެދު މޯލްޑިވިއަން އެއާލައިންގެ ދަތުރުތައް ފެށުމާ އެކު، ދެ ގައުމުގެ ދެމެދުގައި ދަތުރުތައް ފަސޭހަވެ، ވިޔަފާރި އާއި ޓޫރިޒަމްގެ ދާއިރާ އިން އާ ފުރުސަތުތައް ހުޅުވޭނެ ކަމަށެވެ.
ތަފުސީލް އަންނަނީ...