17 ޑިސެމްބަރ 2017 - 10:04
ވިލާ ޓްރޭޑް ސެންޓަރު 5 އިން ވައްކަން ކުރަން އުޅުނު ހަތަރު މީހަކު ރޭ ހައްޔަރުކޮށްފި އެވެ.
ފުލުހުންގެ މީޑިއާ އޮފިޝަލް ވިދާޅުވީ، އަމީނީ މަގުގައި ހުންނަ އެ ފިހާރައިގެ ތިޖޫރި ރޭ ފަތިހު ފަޅާލައި ވައްކަން ކުރަން އުޅުނު ހަތަރު މީހަކު ހައްރުކޮށްފައިވާ ކަމަށެވެ.
އޭގެ ތެރެއިން ތިން މީހަކު ހައްޔަރުކުރީ ވިިލާ ޓްރޭޑް ސެންޓަރު ފިހާރައިގެ އޮފީސް ތެރެއިން ވައްކަން ކުރަން މަސައްކަތް ކުރަމުން ދަނިކޮށް ކަމަށް ފުލުހުން ބުންޏެވެ. އަދި ހަތަރު ވަނަ މީހާ ހައްޔަރުކުރީ ވިލާ ޓްރޭޑް ސެންޓަރުގެ އޮފީސް ބޭރުގައި ހަރަކާތްތެރިވަމުން ދަނިކޮށް ކަމަށް ފުލުހުން ބުންޏެވެ.
މި މައްސަލާގައި ހައްޔަރުކޮށްފައިވަނީ އުމުރުން 23 އަހަރާއި 27 އަހަރާއި 33 އަދި 35 އަހަރުގެ ފިރިހެނުން ކަމަށް ފުލުހުން ބުނެ އެވެ.