27 މާޗް 2018 - 09:07
ރެއިންބޯ އިން ކޮންމެ އަހަރަކު ރޯދައާ ދިމާކޮށް ކުރިއަށް ގެންދާ މި އަހަރުގެ ރޯދަ ސޭލް، އަގުބޮޑު އިނާމްތަކާ އެކު އިއްޔެ ފަށައިފި އެވެ.
ރާއްޖޭގައި ފުޅާ ދާއިރާއެއްގައި ވިޔަފާރި ކުރާ ކުންފުނިން ބުނީ މި ފަހަރުގެ ސޭލްގައި 500ރ. އިން މަތީގެ ވިޔަފާރި ކުރާ ކޮންމެ މީހަކަށް ބައިވެރިވެވޭނެ ކަމަށެވެ. އަދި ސޭލްގައި ދޫކުރާ ކޫޕަން ރެއިންބޯގެ ފިހާރަތަކުގައި ބަހައްޓާފައިވާ ފޮއްޓަށް އަންނަ ޖޫން މަހުގެ ދެވަނަ ދުވަހުގެ 10:00 ގެ ކުރިން ވައްޓާލަން ޖެހޭނެ ކަމަށް ވެސް އެ ކުންފުނިން ބުންޏެވެ. ގުރުއަތު ނެގުން ޖޫން 9 ގައި ބާއްވާ ގޮތަށް ވެސް ވަނީ ހަމަޖައްސައިފަ އެވެ.
ރެއިންބޯ އިން ބުނީ އެހެން އަހަރުތަކާ ތަފާތުކޮށް، މި ފަހަރުގެ ސޭލްގައި ކޮންމެ ހަފުތާއަކު ނަސީބުވެރިއަކު ހޮވައި އިނާމް ދޭ ގޮތަށް ހަމަޖެހިފައިވާ ކަމަށެވެ. ކޮންމެ ނަސީބުވެރިއަކަށް 10 މީހުން ގޮވައިގެން ގޮސް ޝެލްބީންސް ރެސްޓޯރަންޓުން ރޯދަ ވީއްލުމުގެ ފުރުސަތު ލިބޭނެ ކަމަށް އެ ކުންފުނިން ބުންޏެވެ.
ރެއިންބޯ އިން ބުނިގޮތުގައި، މި ފަހަރުގެ ސޭލްގައި އެންމެ އަގުބޮޑު އިނާމްގެ ގޮތުގައި ތިން މީހަކަށް 50،000ރ. ގެ ކިޗަން ސިސްޓަމެއް ދޭނެ އެވެ.
ރެއިންބޯ އިން ބުނީ މި އަހަރުގެ ސޭލް އޮންނާނީ ރެއިންބޯ ލިވިން މޯލްގަ އާއި ރެއިންބޯ ބިލްޑްވެއާ، ރެއިންބޯ، ރެެއިންބޯ ޝޮޕް، ރެއިންބޯ އޮފީސް ސިސްޓަމް އަދި ރެއިންބޯ ތިނަދޫގައި ކަމަށެވެ..