06 އޯގަސްޓް 2018 - 12:07
ވިލާ ކޮލެޖުގައި އާ ދެ ކޯހެއް ތައާރަފުކޮށް އަންނަ މަހުގެ އިންޓޭކްގައި ފަށާ ކޯސްތަކަށް އެދުމުގެ މުއްދަތު މިއަދު އިތުރުކޮށްފި އެވެ.
ކުރިން ހަމަޖައްސާފައިވާ ގޮތުން އިއްޔެ އަކީ ސެޕްޓެމްބަރުގައި ފަށާ ކޯސްތަކަށް ކުރިމަތިލުމުގެ ފަހު ދުވަހެވެ. ނަމަވެސް ވީހާ ވެސް ގިނަ ދަރިވަރުންނަށް ފުރުސަތު ދިނުމަށް އަންނަ އާދިއްތަ ދުވަހާ ހަމައަށް މުއްދަތު ވަނީ އިތުރުކޮށްފަ އެވެ.
އަންނަ މަހު އަލަށް ފަށާ ދެ ކޯހަކީ ފައުންޑޭޝަން އިން ސައިކޮލޮޖީ އަދި މާސްޓާ އޮޮފް ޓީޗިން އިސްލާމިކް ސްޓަޑީޒް އެވެ. މިއީ މަތީ ސާނަވީގެ އިސްލާމް މަންހަޖަށް އަލަށް ގެނެވުނު ބަދަލުތަކަށް ޓީޗަރުން އަހުލުވެރިވުމަށް އަމާޒުކޮށްގެން ތައްޔާރުކޮށްފައިވާ ޕްރޮގްރާމެކެވެ.
ވިލާ ކޮލެޖުން އަންނަ މަހުގެ އިންޓޭކުގައި މެރިން ސްޓަޑީޒް ދާއިރާގެ އަށް ކޯހަކާއި ސެޓްފިކެޓް އެކި ލެވެލްތަކުގެ ޖުމްލަ 22 ކޯހަކާއި ޑިޕްލޮމާ ފެންވަރުގެ 18 ކޯހެއްގެ އިތުރުން އެޑްވާންސްޑް ޑިޕްލޮމާގެ ތިން ކޯހެއް ހިމެނެ އެވެ. އޭގެ އިތުރުން ޑިގްރީ ފެންވަރުގެ 20 ކޯހަކާއި ޕޯސްޓް ގްރެޖުއޭޓް ޑިޕްލޮމާގެ ހަތް ކޯހެއް އަދި މާސްޓާސް ފެންވަރުގެ 13 ކޯހެއް ހިމެނެ އެވެ.
އެ ކޮލެޖުން ވަނީ އެތަނުގައި ކިޔަވަން ބޭނުންވާ ދަރިވަރުންނަށް ވީހާ ވެސް ފަސޭހަ އިން ކޯސް ފީ ދެއްކޭނެ އިންތިޒާމް ހަމަޖައްސައިފަ އެވެ. އެގޮތުން މަހުން މަހަށް ބަހާލައިގެން ކޮންމެ މަހަކު ވަކި އަދަދެއް ދައްކައިގެން ވެސް އަދި މޯލްޑިވްސް އިސްލާމިކް ބޭންކް (އެމްއައިބީ) ގެ ފައިނޭންސްޝަލް ފެސިލިޓީސްގައި ބައިވެރިވެގެން ވެސް ކޯސް ފީ ދެއްކޭނެ އެވެ.