01 އޮކްޓޯބަރ 2018 - 07:00
އެމެރިކާގައި، ޕާކްކޮށްފައި ހުރި ކާރުތަކަކުން ވައްކަން ކުރަމުން ދިޔަ މީހަކު، ވަގަށް ނެގި ތަކެއްޗާ އެކު ކާރެއްގެ ތެރޭގައި ނިދާފައި އޮއްވައި ހައްޔަރުކޮށް ދައުވާކޮށްފި އެވެ.
ފޮކްސް ނިއުސް އިން ރިޕޯޓްކޮށްފައިވާ ގޮތުގައި ވައްކަން ކުރި މީހާއަކީ އުމުރުން 23 އަހަރުގެ މީހެކެވެ. އޭނާ 8 ކާރަކުން ވައްކަންކޮށް އޭގެ ތެރެއިން ކާރެއްގެ ތެރޭގައި ނިދިފައި އޮއްވައި ފެނުނު އިރު، ކާރުތަކުން ވަގަށް ނެގި ކްރެޑިޓް ކާޑާއި އައިޑީ އާއި ގިފްޓް ކާޑް ފަދަ ތަކެތި އަތުގައި ހުއްޓައި ފެނިފައިވެ އެވެ.
ފޮކްސް ނިއުސް އިން ބުނި ގޮތުގައި ވަގުކަލޭގެއަށް ކާރުގެ ތެރޭގައި ނިދިފައި އޮއްވައި ފުލުހުންނަށް ރިޕޯޓްކުރީ ވަގު ނިދާފައި އޮތް ކާރުގެ ވެރިޔާ އެވެ. އަދި ވަގުތުން އެ ސަރަހައްދަށް ފުލުހުން ގޮސް ވަގު ހައްޔަރު ކުރި އެވެ.
މި މައްސަލާގައި ޓިމޮތީގެ މައްޗަށް ކުރި ދައުވާތަކުގެ ތެރޭގައި ވައްކަން ކުރުމާއި މީހުންގެ މުދަލަށް ގެއްލުން ދިނުމުގެ ދައުވާ ހިމެނެ އެވެ. އޭނާ މި ވަގުތު ހުރީ ޗެރޮކީ ކައުންޓީ އެޑަލް ޑިޓެންޝަން ސެންޓަރުގައި ބަންދުކޮށްފަ އެވެ.