22 އޯގަސްޓް 2019 - 19:34
އެއް ލައްކަ ރުފިޔާގެ އަގުހުރި އިނާމާ އެކު އުރީދޫން "ސުވާލު ފޮށި" ގެ ނަމުގައި ސުވާލު މުބާރާތެއް ފަށައިފި އެވެ.
މިއީ އެސްއެމްއެސް މެދުވެރިކޮށް ކުރިއަށް ގެންދާ މުބާރާތެކެވެ. އެހެންވެ، މި މުބާރާތުގައި ބައިވެރިވާން ބޭނުންވާ ނަމަ 4646 އަށް "GO" އެސްއެމްއެސް ކުރުމުން މި މުބާރާތުގައި ބައިވެރިވެވޭނެ އެވެ.
އަންނަ މަހުގެ 17 ވަނަ ދުވަހުގެ ނިޔަލަށް ކުރިއަށް ގެންދާ މި މުބާރާތުގައި ކޮންމެ ހަފުތާއަކު އެންމެ މޮޅު ކުޅުންތެރިޔާ އާއި ދެ ވަނަ އަދި ތިން ވަނަ ކުޅުންތެރިޔާ ހޮވާނެ އެވެ.
އެންމެ މޮޅު ކުޅުންތެރިޔާ އަށް ސެމްސަންގް ގެލެކްސީ އެސް 10 ފޯނެއް ލިބޭއިރު ދެވަނަ އަށް ސެމްސަންގް ގެލެކްސީ އެމް 20 އަދި ތިން ވަނަ އަށް ސެމްސަންގް ގެލެކްސީ ބަޑްސް އެއް ލިބޭނެ އެވެ.
ސުވާލު ފޮށީގައި ބައިވެރިވާ ކުޅުންތެރިން ޖެހޭނީ އެކި ލެވެލްތަކަށް ބެހިފައިވާ މި ސުވާލު މުބާރާތުގައި ކުރާ ސުވާލުތަކުގެ ޖަވާބު ރަނގަޅުކޮށް ކުއިޒުން އެންމެ ގިނަ ޕޮއިންޓް ހޯދާށެވެ.
އުރީދޫން ވަނީ މީގެ ކުރިން ވެސް މިފަދަ ސުވާލު މުބާރާތްތައް ބާއްވައިފަ އެވެ. މި ސުވާލު މުބާރާތްތަކަށް ގިނަ ބައެއްގެ ތަރުހީބު ލިބުނެވެ.