26 އޯގަސްޓް 2020 - 07:47
އެޕަލްގެ ފުރަތަމަ ފްލޯޓިން ފިހާރަ ސިންގަޕޫރުގައި ތަރައްގީކޮށް ހުޅުވަން ތައްޔާރުވެއްޖެ އެވެ.
"އެޕަލް މެރީނާ ބޭ ސޭންޑްސް" ގެ ނަން ދީފައިވާ މި ފްލޯޓިން ރިޓެއިލް ފިހާރަ ތަރައްގީކޮށްފައި ވަނީ ސިންގަޕޫރުގެ ވިޔަފާރީގެ މައި ސަރަހައްދު ކަމަށްވާ ޑައުންޓައުން ކޯ ގަ އެވެ. އެ ދިމާލުގައި ތަރައްގީކޮށްފައިވާ ފްލޯޓިން ފިހާރަ ފެންނަނީ ފެންގަނޑެއްގެ ތެރޭގައި ބާއްވާފައި އޮތް ބިޔަ ބޯޅައެއްގެ ގޮތުގަ އެވެ. އޭގެ ޗާލުކަން ފެންނަނީ ރޭގަނޑު ދިއްލައިލުމުންނެވެ.
އެޕަލްގެ ލޯގޯ ވެސް އޭގެ ބޭރުގައި އިނދެ އެވެ. މި ފްލޯޓިން ފިހާރައިގެ ސަބަބުން ސިންގަޕޫރްގެ ވޯޓަ ފްރޮންޓް ޑައުންޓައުން ލޯ އަށް މިހާރު އިތުރު ފުރިހަމަކަމެއް ވެސް ގެނެސްދެ އެވެ.
ސިންގަޕޫރުގައި ހުޅުވާ އެޕަލްގެ ފްލޯޓިން ފިހާރަ އަކީ އެ ކުންފުނިން ސިންގަޕޫރްގައި ހުޅުވާ ތިން ވަނަ އައުޓްލެޓެވެ. ދެހާސް ސަތާރައިގައި އޮޗާޑް ރޯޑްގައި ހުޅުވި ފިހާރައިގެ އިތުރުން ޗަންގީ އެއާޕޯޓްގައި ވެސް ފިހާރައެއް ހުޅުވާފައިވެ އެވެ.
ފްލޯޓިން ފިހާރައާ ބެހޭ ގޮތުން އެޕަލް އިން އަދި އެއްވެސް މައުލޫމާތެއް ރަސްމީކޮށް ހިއްސާއެއް ނުކުރެ އެވެ. ނަމަވެސް މިތަން ހުޅުވަން އެންމެ ފަހުގެ ތައްޔާރީތައް ވަމުން އަންނަ ކަމަށް މީޑިއާތަކުން ބުންޏެވެ. މީޑިއާތަކުން ބުނީ ފްލޯޓިން ފިހާރަވެގެން ދާނީ ޒަމާނީ ފާޑުވެރިކަން އޭގެ އެތެރިން ވަރަށް ބޮޑަށް ފެނިގެންދާނެ ތަނެއް ކަމަށެވެ.
މިއީ އެޕަލް އިން ހުޅުވާ 512 ވަނަ އައުޓްލެޓެވެ.