07 ސެޕްޓެމްބަރ 2020 - 15:11
ބ. އޭދަފުށި މަގުހެދުމުގެ މަޝްރޫއުގެ 87 ޕަސެންޓް މަސައްކަތް ނިމިފައިވާ ކަމަށް އެމްޓީސީސީން ބުނެފި އެވެ.
މި މަޝްރޫއުގެ ދަށުން އޭދަފުށީގައި 22،942 އަކަމީޓަރު ހިމެނޭ ގޮތަށް، 19 މަގެއްގައި ވަނީ ތާރު އަޅައިފަ އެވެ. މީގެ އިތުރުން ފެން ހިންދާ ނިޒާމަކާއި ގްރެވިޓީ ޕައިޕް ނެޓްވޯކް އެޅުމުގެ މަސައްކަތް ވެސް ކުރާނެ އެވެ.
އެމްޓީސީސީން ބުނި ގޮތުގައި މަގުތަކުގައި ތާރު އެޅުމުގެ މަސައްކަތް އެއްކޮށް މިހާރު ވަނީ ނިމިފަ އެވެ. އަދި މިހާރު ކުރިއަށްދަނީ ފެން ހިންދުމަށް ބޭނުންވާ ޕަމްޕް ސްޓޭޝަން ބެހެއްޓުމުގެ މަސައްކަތާއި މަގު ބައްތި ހަރުކުރުމުގެ މަސައްކަތް ކަމަށް އެ ކުންފުނިން ބުންޏެވެ.
މިދިޔަ އަހަރުގެ އޭޕްރިލް މަހު ފެށި މި މަޝްރޫއަށް 34.4 މިލިއަން ރުފިޔާ ހަރަދުވާނެ ކަމަށް އެމްޓީސީސީން ލަފާ ކުރެ އެވެ.