21 އެޕްރީލް 2021 - 23:12
ވެލާނާ އިންޓަނޭޝަނަލް އެއާޕޯޓުގައި މިއަދު ހިނގި އެކްސިޑެންޓެއްގައި ސްރީލަންކަން އެއާލައިންސްގެ މަތިންދާބޯޓަކަށް ގެއްލުން ލިބިއްޖެ އެވެ.
ބެލެވޭގޮތުގައި މި އެކްސިޑެންޓު ހިނގީ މަތިންދާބޯޓަަށް މީހުން އަރާފައިބަން ބޭނުން ކުރާ ސިޑިއަކާއި ސްރީލަންކަންގެ ބޯޓު ޖެހިގެންނެވެ. ސޯޝަލް މީޑިއާގައި އާއްމުވެފައިވާ ފޮޓޯއިން ފެންނަ ގޮތުގައި ސިޑި އަށާއި މަތިންދާބޯޓަށް ވެސް ވަނީ ގެއްލުން ލިބިފަ އެވެ.
ފޮޓޯތަކުން ފެންނަ ގޮތުގައި މި އެކްސިޑެންޓުގެ ސަބަބުން ސްރީލަންކަންގެ ފްލައިޓުގެ ފަހަތުގައި ހުންނަ ފިޔަގަނޑެއް ވަނީ ބިންދައިން ގޮސްފަ އެވެ.
މިފަދަ އެކްސިޑެންޓެއް މިއަދު ހިނގިކަން އެމްއޭސީއެލުން ވަނީ ކަށަވަރު ކޮށްދީފަ އެވެ. ނަމަވެސް ހިނގީ ކުޑަ އެކްސިޑެންޓެއް ކަމަށާއި އެ އެކްސިޑެންޓުގައި އެއްވެސް މީހަކަށް އަނިޔާ ނުވާ ކަމަށް އެ ކުންފުނިން ބުންޏެވެ.
އެމްއޭސީއެލުން ދަނީ މި މައްސަލަ ތަހުގީގު ކުރަމުންނެވެ.