04 މެއި 2021 - 11:21
ވިލިމާލޭގައި ހުންނަ ކުޑަކުދިންގެ ހިޔާގައި މިއަދު އަލިފާނުގެ ހާދިސާއެއް ހިނގައި ގެއްލުންތަކެއް ވެއްޖެ އެވެ.
އެމްއެންޑީއެފުން ކުރި ޓްވީޓެއްގައި ބުނީ އަލިފާނުގެ ހާދިސާ ހިނގައިގެން ރިޕޯޓު ކޮށްފައިވަނީ ހެނދުނު 10:00 ހާއިރު ކަމަށެވެ. އެ އަލިފާންގަނޑު 10:15 ހާއިރު ނިއްވާލާފައިވާ ކަމަށް ސިފައިން ބުނެ އެވެ.
ކުޑަކުދިންގެ ހިޔާގެ ފުރަތަމަ ބުރީގައި ރޯވި އެ އަލިފާނުގައި އެއްވެސް ކުއްޖަކަަށް އަނިޔާ ނުލިބޭ ކަމަށް އެމްއެންޑީއެފުން ބުންޏެވެ.
އެމްއެންޑީއެފުން އާއްމުކޮށްފައިވާ ފޮޓޯތަކުގައި، އެނދާއި ކަބަޑުތައް އަލިފާނުން ހަލާކުވެ ފާރުތައް ވެސް ދުމުން ކަޅުވެފައި ހުރިކަން އެނގެ އެވެ.
އުމުރުން 18-13 އަހަރާ ދެމެދުގެ ކުދިން ބަލަހައްޓާ ކުޑަކުދިންގެ ހިޔާގައި ހިނގި ހާދިސާގެ އިތުރު ތަފްސީލެއް އަދި ނުލިބެ އެވެ.