11 މެއި 2021 - 00:32
ރަށްދެބައި މަގުގައި ހުންނަ ބިހުރޯޒް މިސްކިތުގެ ގޯތި ތެރޭގައި، ގޮތް ނޭނގޭ ބޮޑު ދަބަހެއްގައި ބޮމެއް އޮތް ކަމަށް ތުހުމަތު ކުރެވިގެން ފާސްކުރިޔަސް، އޭގައި އެއްވެސް އެއްޗެއް ނެތެވެ.
އެމްއެންޑީއެފުން ބުނިގޮތުގައި ބިހުރޯޒް މިސްކިތް ތެރޭގައި ގޮތްނޭނގޭ އެއްޗެއް އޮތްކަމުގެ ރިޕޯޓް ލިބިގެން، ފުލުހުންނާއި އެމްއެންޑީއެފުން އެތައް ބަލައި، ކްލިއާ ކޮށްފައިވާ ކަމަށެވެ. އަދި އަދި މި ބަލައި ފާސްކުރުމުގައި އެތަނުން ނުރައްކާ ޒާތުގެ އެއްވެސް އެއްޗެއް ފެނިފައެއް ނުވާ ކަމަށް އެތަނުން ބުންޏެވެ.
އެނގިފައިވާ ގޮތުގައި ބޮމެއް ކަމަށް ބަލައި، ސަލާމަތީ ބާރުތަކުން ބޮޑު އޮޕަރޭޝަނެއް ހިންގީ، މިސްކިތުގެ ގޯތި ތެރޭގައި އޮތް ބޮޑު ދަބަހަކާ މެދު ޝައްކު ކުރެވިގެންނެވެ.
މިދިޔަ ބުރާސްފަތި ދުވަހުގެ ރޭ، ކުރީގެ ރައީސް މުހަންމަދު ނަޝީދު އަވަހާރަކޮށްލަން ދިން ބޮމުގެ ހަމަލާ އަށް ފަހު، ހަމަ އެރޭ އެހެން ތަނެއްގައި ވެސް ބޮމެއް އޮތް ކަމަށް ރިޕޯޓް ލިބިގެން ސިފައިން ގޮސް އެތަން ވަނީ ފާސްކޮށްފަ އެވެ. އެކަމަކު އެތަނުން އެއްވެސް ނުރައްކަލެއް ފެނިފައެއް ނުވެ އެވެ.