14 ޖޫން 2021 - 22:14
ކޮވިޑް-19 އަށް ޕޮޒިޓީވްވި މީހުންގެ އަދަދު މާލެ އަށް ވުރެ ރަށްރަށުގައި މިއަދު އިތުރުވެއްޖެ އެވެ.
އެޗްޕީއޭ އިން މިރޭ އާންމުކުރި މައުލޫމާތުގައިވާ ގޮތުން މިއަދު މި ބަލީގެ 372 ކޭސްއެއް ފެނިފައިވެ އެވެ. އޭގެ ތެރެއިން 215 ކޭސް ފެނިފައިވާ ވަނީ ރަށްރަށުންނެވެ. އަދި ރިސޯޓުތަކުން 30 މީހަކަށާއި ކަނޑުމަތިންނާއި ސިނާއީ ރަށްތަކުން އެކަކަށް ބަލި ޖެހިފައިވެ އެވެ.
މާލެ އިން ޕޮޒިޓީވްވެފައި ވަނީ 125 މީހުންނެވެ.
އިއްޔެ ހަވީރު 6 އިން މިއަދު ހަވީރު 6 އަށް ޓެސްޓުކޮށްފައި ވަނީ 5،262 ސާމްޕަލެކެވެ.
ރާއްޖެއިން ކޮވިޑު ޖެހުނު މީހުންގެ ޖުމްލަ އަދަދު މިހާރު ވަނީ 70،673 އަށް އަރައިފަ އެވެ. އޭގެ ތެރޭގައި 8،703 އެކްޓިވް ކޭސް ހިމެނެ އެވެ. އަދި އިތުރު 992 މީހަކު ކޮވިޑުން ފަސޭހަވެ، ޖުމްލަ އަދަދު ވަނީ 61،761 އަށް އަރައިފަ އެވެ.
ރާއްޖޭގައި ކޮވިޑް ޖެހިފައިވާ މީހުންގެ ތެރެއިން މިވަގުތު ހޮސްޕިޓަލުގައި ފަރުވާ ދެމުން އަންނަނީ 82 މީހަކަށް ކަމަށް އެޗްޕީއޭ އިން ބުނެ އެވެ.
މިއަދު މަރުވި މީހަކާ އެކު މި ބަލީގައި ރާއްޖެއިން 198 މީހަކު މަރުވެފައިވެ އެވެ.