18 އޯގަސްޓް 2021 - 07:14
މިހާރު ބޭނުންކުރާ މެގްނެޓިކް ސްޓްރައިޕް ކާޑް 2024 އިން ފެށިގެން ހުއްޓާލަން މާސްޓަ ކާޑުން ނިިންމައިފި އެވެ.
މިކަން އިއުލާންކޮށް އެތަނުން ނެރުނު ބަޔާނެއްގައި ބުނީ މިހާރު ބޭނުންވަނީ ކަސްޓަމަރުންގެ މައުލޫމާތު ވީހާ ވެސް ބޮޑަކަށް ރައްކާތެރިކޮށްދޭ ޓެކްނޮލޮޖީއަށް ބަދަލުވާން ކަމަށެވެ. ޗިޕާއި ކޮންޓެކްޓްލެސް ޕޭމަންޓް މިހާރު ވަރަށް ބޮޑު މަގުބޫލުކަމެއް ހޯދައި ދުނިޔޭގެ ވަރަށް ގިނަ ހިސާބުތަކުގައި އެ އެ ނިޒާމުތަކުން ފައިސާގެ މުއާމަލާތްތައް ހިންގަމުން އަންނާތީ މާސްޓް ކާޑް ވެސް މިހާރު ހުރީ އެ މިސްތާބަށް ކަމަށް ބުންޏެވެ.
މެގްނެޓިކް ސްޓްރައިޕް ޓެކްނޮލޮޖީ އަކީ މުސްކުޅިވެފައި އޮތް ޓެކްނޮލޮޖިއެކެވެ. އެ ތައާރަފުވީ 1960 ގެ ތެރޭގަ އެވެ.
މާސްޓަ ކާޑުން 2024 އިން ފެށިގެން މެގްނެޓިކް ސްޓްރައިޕް ޑެބިޓް/ކްރެޑް ކާޑް ހުއްޓާލައި، ފަހުގެ ޓެކްނޮލޮޖީ ހިމެނޭ ޗިފް ކާޑް އެންމެ ފުރަތަމަ ތައާރަފުކުރާނީ ޔޫރަޕްގަ އެވެ. އަދި އެމެރިކާގައި މި ނިޒާމު ބޭނުންކުރަން ފަށަން ނިންމާފައި ވަނީ 2027 ގަ އެވެ.
މާސްޓަ ކާޑުން ކަނޑައަޅާފައި އޮތް އަމާޒަކީ 2029 ގައި ސްޓްރައިޕް ކާޑް އަލަށް ދޫކުރުން ދޫކުރުން ހުއްޓާލައި، 2033 ގައި އާ ނިޒާމަށް އެއްކޮށް ބަދަލުވުމެވެ.
މާސްޓަ ކާޑުން ބުނި ގޮތުގައި ކުންފުނީގެ އާ ކާޑަކީ ފައިސާގެ މުއާމަލާތް ކޮންޓެކްޓްލެސް ވަރަށް ފަސޭހަކޮށް ހިންގޭނެ ނިޒާމެކެވެ. އެއީ ކާޑު ނުވަތަ ފޯނު ކަހަލަ ސްމާޓް ޑިވައިސްއެއް މެދުވެރިކޮށް ޑިޖިޓަލްކޮށެވެ.
މާސްޓަ ކާޑްގެ ފެށުމަކީ އިންޓަކާޑް ބޭންކް އެސޯސިއޭޝަނުގެ ނަމުގައި މީގެ 55 އަހަރު ކުރިން 1966 ގައި ތައާރަފުވި ހިދުމަތެކެވެ. އެ މާސްޓަ ކާޑްގެ ނަމަށް ބަދަލުވީ 42 އަހަރު ކުރިން 1979 ގަ އެވެ.