ރާއްޖޭގެ ރައްޔިތުން އަތުން ގެއްލޭ ބާރާއި ރަށްރަށުގެ ތަރައްގީއަށް އެޅިފައިވާ ހުރަސްތައް ނައްތާލުމަށްޓަކައި ލޯކަލް ކައުންސުލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީގެ އިންތިހާބުގައި ތިލަފަތަށް ވޯޓު ލާންޖެހޭ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ ކުރީގެ މެމްބަރު އަހުމަދު އަބްދުﷲ ވިދާޅުވެއްޖެ އެވެ.
އެމްޑީޕީގެ ރައީސް އަބްދުﷲ ޝާހިދު އާއި އެ ޕާޓީގެ ލީޑަރޝިޕްގެ ބައެއް ބޭފުޅުން ހއ އަތޮޅަށް ކުރައްވަމުން ގެންދަވާ ކެމްޕޭން ދަތުރުގައި ހއ ދިއްދޫ އަށް ވަޑައިގެން ރާއްޖެއެމްވީ އަށް ދެއްވި އިންޓަވިއުއެއްގައި އަހުމަދު އަބްދުﷲ ވިދާޅުވީ، ރާއްޖޭގެ ރައްޔިތުންގެ ހިތްތަކުގައި މިއޮތް ނުތަނަވަސްކަމާއި ހާސްކަމަށް ދޭން އޮތް ޖަވާބެއްގެ ގޮތުގައި މިފަހަރުގެ ކައުންސިލް އިންތިހާބުގައި ޕީއެންސީ އަށް ނޫނެކޭ ބުނަންޖެހޭ ކަމަށެވެ. އަދި ރައްޔިތުންއަތުން ގެއްލޭ ބާރާއި ރަށްރަށުގެ ތަރައްގީއަށް އެޅިފައިވާ ހުރަސްތައް ނައްތާލުމަށްޓަކައި އޭޕްރިލް މަހުގެ ހަތަރުވަނަ ދުވަހު ޕީއެންސީ އަށް "ނޯ" ޖަހައި ތިަލަފަތަށް ވޯޓުލާންޖެހޭ ކަމަށެވެ.
އަޅުގަނޑުމެން ރާއްޖޭގެ ރަށްތަކަށް ކުރަމުންމިދާ ދަތުރުގައި އެންމެ ބޮޑަށް ފާހަގަވަނީ، ރާއްޖޭގެ ރަށްރަށުގައި ތިބި ރައްޔިތުންގެ ހިތްތަކުގައި ހުރި ނުތަނަވަސްކަމާއި ކަންބޮޑުވުން. ހާއްސަކޮށް ސަރުކާރުގެ އެއޮތް ބޮޑު ބަޖެޓު ދައުލަތުން ބޭނުންކޮށްގެން މިހާރުގެ ސަރުކާރުން ކުރަމުންގެންދާ އެއްވެސް ތަރައްގީގެ މަޝްރޫއުއެއް ނެތުމާއި ރައްޔިތުންގެ ފައިސާއަށް ހިޔާނަތްތެރިވުމާއި އަދި ވީ ވައުދުތައް ނުފުއްދުމާއި މިކަހަލަ އެތައް ބައިވަރު ކަންތައްތަކެއްގެ ކންބޮޑުވުން އެބައޮތް.ރައްޔިތުންގެ މަޖިލީހުގެ ބާރަށު ދާއިރާގެ ކުރީގެ މެމްބަރު އަހުމަދު އަބްދުﷲ
މީގެ އިތުރުން އަހުމަދު އަބްދުﷲ ވިދާޅުވީ، ދިވެހި ރައްޔިތުންނަށް މިފަހަރު ލިބޭ ފުރުސަތަކީ ހީލަތްތެރި މަކަރުވެރި ރޭވުމެއްގެ ތެރެއިން ސަރުކާރުން ބޮޑު ދެ އިންތިހާބު އެއްކޮށްލުމަށް ނަގާ ފެންނަ ނުފެންނަ ވޯޓުން ސަރުކާރު ބޮޑުތަނުން ބަލިކޮށްލައި ނުފެންނަ ކަމަށް ބުނެ ރައްޔިތުންގެ ވިސްނުން އަދުގެ ސަރުކާރާއި ދެކޮޅަށް ގެންގުޅެ، ސަރުކާރަށް ނޫނެކޭ ބުނެ ސަރުކާރަށް ތާއީދުކުރުން ހުއްޓާލައި ރައްޔިތުންގެ ބާރުވެރިކަން ރައްޔިތުންގެ އަތްމައްޗަށް ގެނައުމަށް މަސައްކަތް ކުރުން ކަމަށެވެ.
އަހުމަދު އަބްދުﷲ ވިދާޅުވީ ރަށްރަށުން ފެންނާއި ރައްޔިތުންގެ އެ ވިސްނުމާއި ޖޯސު ހުރިތަން ކަމަށާއި މިއަދުގެ ސަރުކާރާއި ދެކޮޅަށް ފަސްނުޖެހި ބަސްބުނަމުންދާ ދިއުން އިތުރުވަމުންދާތަން ކަމަށެވެ.