09 Feb 2018, 10:54
ބޮލީވުޑްގެ އެންމެ ކާމިޔާބު އެއް ބަތަލު ސަލްމާން ހާންގެ ޅިޔަނު އާޔުޝް ޝަރްމާ ބޮލީވުޑަށް ނުކުންނަ ފިލްމު "ލަވްރާތުރީ"ގެ އަންހެން ލީޑުގައި ވެސް ހަރަކާތްތެރިވާނީ އާ ބަތަލާއެއް ކަމަށް އެ ޓީމުން ބުނެފިއެވެ.
"އަހަރެންނަށް އަންހެން ކުއްޖަކު ލިބިއްޖެ،" ސަލްމާން ކުރި ޓްވީޓުގައި ބުނެފައިވެއެވެ. ސަލްމާންގެ ޓްވީޓާ އެކު ގިނަ ބައެއްގެ ހައިރާންކަން ލިބުނު އިރު ބައެއް މީހުން ވަނީ ސަލްމާނަށް މަރުހަބާ ކިޔާފައިއެވެ.
Mujhe ladki mil gayi
— Salman Khan (@BeingSalmanKhan)February 6, 2018
އޭގެ އިރުކޮޅެއް ފަހުން ސަލްމާން އަނެއްކާވެސް ޓްވީޓެއް ކުރިއެވެ. އެ ޓްވީޓުން އެ އަންހެން ކުއްޖަކީ ކޮން ކުއްޖެއްކަން ހާމަވެގެންދިޔައެވެ.
"ހާސްވާންވީ އެއްވެސް ކަމެއް ނެތް. ލަވްރާތުރީގެ އަންހެން ލީޑަށް އާ ބަތަލާ އެއް ލިބުނީ،" ސަލްމާން ބުނެފައިވެއެވެ.
Nothing to worry na@aaysharmaki film#Loveratrike liye ladki mil gayi Warina, Toh dont worry na be happy napic.twitter.com/uetTpUKRdi
— Salman Khan (@BeingSalmanKhan)February 6, 2018
ފިލްމުގެ އަންހެން ލީޑަށް ހަމަޖައްސާފައި ވަނީ ވަރީނާ ހުސައިނެވެ. އިރާގުގެ ބައްޕަ އަކާއި އަފްގާން މަންމަ އަކަށް ލިބުނު ހުރި ހަމައެކަނި ކުއްޖާ ވަރީނާ އަކީ މޮޑެލް ކުރަން ދަންނަ ކުޅަދާނަ އަންހެން ކުއްޖެކެވެ. އޭނާ އަކީ ނިއުޔޯކް ފިލްމް އެކަޑަމީގެ ގްރެޖުއޭޓެއް ވެސް މެއެވެ.
ވަރީނާ ބުނީ އޭނާ އަބަދުވެސް ފިލްމު ކުޅޭ ހިތްވާ ކަމަށާއި އަބަދުވެސް ބޭނުންވަނީ ހޮލީވުޑަށް ވުރެ ބޮލީވުޑްގައި މަސައްކަތް ކުރުމަށެވެ.
އަބީރާޖް މީނާވާލާ ޑައިރެކްޓްކުރާ އެެ ފިލްމުގެ ޝޫޓިން މި މަހު ފެށުމަށް ހަމަޖެހިފައިވާއިރު ޓީމުން ބުނަނީ ފިލްމު އަހަރުގެ ފަހުކޮޅު ރިލީޒްކުރެވޭނެކަމަށެވެ.