26 Feb 2018, 14:59
ޖަމާލުއްދީން ސުކޫލުގެ އަޑުއިވުމުން މަހުރޫމް ވެފައިވާ ކުދިންގެ ހާއްސަ ކްލާސް "ކްލާސް ފޯ ހިއަރިން އިމްޕެއާޑް ޗިލްޑްރެން" (ސީއެޗްއައިސީ) އަށް ބޭންކް އޮފް މޯލްޑިވްސް (ބީއެމްއެލް)އިން ސްމާޓު ޓީވީތަކަކާއި ކޮމްޕިއުޓަރު ސިސްޓަމްތަކެއް ހަދިޔާކޮށްފިއެވެ.
އެ ހަރަކާތަކީ ބީއެމްއެލްއިން މި މަހުގެ އެއްވަނަ ދުވަހުން ފެށިގެން ކުރިއަށްގެންދާ "އަހަރެންގެ ބޭންކް" ކެމްޕެއިންގެ ދަށުން މުޖުތަމައަށް ޚިދުމަތް ކޮށްދިނުމުގެ ގޮތުން ކުރިއަށްގެންދާ ހަރަކާތެކެވެ.
ބީއެމްއެލް އިން ބުނީ، ޖަމާލުއްދީން ސްކޫލުގެ އަޑުއިވުމުން މަހުރޫމްވެފައިވާ ކްލާހުގެ ދަރިވަނުންނަށް އެހީތެރިކަން ފޯރުކޮށްދެވުމުން އެކަމާ ހިތްހަމަ ޖެހޭ ކަމަށެވެ.
"އަހަރެންގެ ބޭންކް" ކެމްޕޭންގެ ދަށުން، ތިމާވެއްޓާ ގުޅޭ ހަރަކާތްތަކާއި ޗެރިޓީގެ ހަރަކާތްތަކާއި ކުޑަކުދިންނާއި ދުވަސްވީ މީހުންނަށް ހާއްސަކޮށްގެން ހަރަކާތްތަކެއް ކުރިއަށްގެންދާން ނިންމާފައިވާ އިރު ބީއެމްއެލް އިން ބުނީ އެ ހަރަކާތްތަކުގެ ތެރެއިން އާ ޕާޓްނާޝިޕްތަކަކާއި ސީއެސްއާރު ހަރަކާތްތައް ފެނިގެންދާނެ ކަމަށެވެ.