06 Apr 2018, 19:26
މާފުށީ ޖަލަށް ވައްދަން ތައްޔާރުކޮށްފައި ހުރި ގިނަ އަދަދެއްގެ ފޯނުތަކަކާއި އިތުރު ސާމާނު ތަކެއް ފުލުހުން ހޯދައިފި އެވެ.
އެ ތަކެތި ފުލުހުންގެ ބެލުމުގެ ދަށަށް ގެނައީ މިދިޔަ ބުދަ ދުވަހު ކ. ގުރައިދޫގައި ފުލުހުން ހިންގި އޮޕަރޭޝަނެއްގަ އެވެ.
ފުލުހުން ބުނީ، ގުރައިދޫ ގެއެއްގެ ކޮޓަރި ތެރެ ބަލައި ފާސްކޮށް އަތުލައިގަތް ތަކެތީގެ ތެރޭގައި ހިމެނެނީ 22 މޯބައިލް ފޯނާއި މޯބައިލް ފޯނުގެ 29 ޗާޖަރާއި މީޑިއާ ޕްލެޔަރުގެ އިތުރުން ދެ ރިމޯޓާއި ކޭބަލް ތަކަކާއި ފަސް ސިމްކާޑު ކަމަށެވެ.
އެ މައްސަލަ ގުރައިދޫ ޕޮލިސް ސްޓޭޝަނުން ތަހުގީގު ކުރަމުންދާއިރު، މައްސަލާ ގުޅިގެން އަދި އެއްވެސް މީހަކު ހައްޔަރުކޮށްފައެއް ނުވެއެވެ.