މިނިވަން ޗެމްޕިއަންޝިޕް: ފައިނަލް ބުރު ނިލަންދުއާއި ފޯކައިދޫގައި

12 Apr 2018, 18:50

އެސްޓީއޯ މިނިވަން ޗެމްޕިއަންޝިޕްގެ ފައިނަލް ބުރު ބާއްވާނެ ދެ ރަށެއްގެ ގޮތުގައި ފ. ނިލަންދޫ އަދި ށ. ފޯކައިދޫ ހަމަޖައްސައިފިއެވެ.

މިއަހަރުގެ މިނިވަން ޗެމްޕިއަންޝިޕް ފައިނަލް ބުރު ކުރިއަށްދާނީ ދެ ގްރޫޕަކަށް ބަހާލައިގެންނެވެ. ދެ ރަށެއްގައި ދެ ގްރޫޕްގެ މެޗުތައް ހޯސްޓު ކުރާ ގޮތަށް ހަމަޖެހިފައިވާ އިރު، ކޮންމެ ގްރޫޕެއްގައި ހިމެނޭނީ ފަސް ޓީމެވެ.

ފައިނަލް ބުރުގައި އަށް ޒޯނެއްގެ ޗެމްޕިއަނުންނާއެކު ދެން ވާދަކުރާނީ މިދިޔަ އަހަރުގެ މިނިވަން ޗެމްޕިއަންޝިޕްގެ ގަދަ ހަތަރެއްގައި ހިމެނުނު ޓީމުތަކުގެ ތެރެއިން ދ. ކުޑަހުވަދުއާއި އއ. މާޅޮހެވެ. މިދިޔަ އަހަރުގެ މިނިވަން ޗެމްޕިއަންޝިޕް ގަދަ ހަތަރެއްގައި ހިމެނޭ ޓީމުތަކުގެ ތެރެއިން ށ. މިލަންދުއާއި ގދ. ތިނަދޫ މިއަހަރުގެ މުބާރާތުގައި ބައިވެރިވެފައި ނުވެއެވެ.

މިނިވަން ޗެމްޕިއަންޝިޕްގެ ފައިނަލް ބުރު ފެށުމަށް ހަމަޖެހިފައިވަނީ މިމަހުގެ 20 ވަނަ ދުވަހުއެވެ.

ށ. ފޯކައިދޫގައި ކުރިއަށްދާ ގްރޫޕްގައި ހިމެނޭ ޓީމުތައް:

ހއ. މުރައިދޫ

ށ. ފޯކައިދޫ

ބ. ފެހެންދޫ

އދ. ފެންފުށި

އއ. މާޅޮސް

ފ. ނިލަންދޫގައި ކުރިއަށްދާ ގްރޫޕްގައި ހިމެނޭ ޓީމުތައް:

ފ. ނިލަންދޫ

ތ. ތިމަރަފުށި

ގދ. ހޯޑެއްދޫ

ސ. ހިތަދޫ

ދ. ކުޑަހުވަދޫ

ފައިނަލް ބުރުގެ ކޮންމެ ގްރޫޕެއްގައިވެސް ލީގު ބުރެއް ކުޅެ ދެ ޓީމު ސެމީ ފައިނަލަށް ދަތުރު ކުރާނެއެވެ.