26 Jun 2018, 11:38
މިހާރު ކުރިއަށްދާ ވާލްޑްކަޕްގައި ސައުދީ އަތުން މިސްރު ބަލިވުމުން މިސްރުގެ ސްޕޯޓްސް ކޮމަންޓޭޓަރު އަދި ކުރީގެ ފުޓްބޯޅަ ކުޅުންތެރިޔާ އަބްދުއްރަހީމް މުހައްމަދަށް ހާޓް އެޓޭކެއް ޖެހި މަރުވެއްޖެއެެވެ.
ރޭ ކުޅުނު ވޯލްޑް ކަޕް 'ގްރޫޕް އޭ'ގެ މެޗުގައި މިސްރު އަތުން ސައުދީ މޮޅުވީ ފަހަތުން އަރައި 2-1ގެ ނަތީޖާއަކުންނެވެ.
މިސްރުގެ މީޑިއާތަކުން ބުނީ އެ މެޗްގައި ބަލިވުމުން އަބްދުއްރަހީމްއަށް ވަރަށް ބޮޑަށް އަސަރުކުރި ކަމަށެވެ. އަދި އޭނާއަށް ހާޓް އެޓޭކެއް ޖެހުނީ އެ މެޗާ ބެހޭ ގޮތުން މިސްރުގެ ނައިލް ސްޕޯޓްސް ޗެނަލްގައި ކޮމެންޓްރީއެއް ދިނުމަށް ތައްޔާރުވަމުން ދަނިކޮށް ކަމަށެވެ.
އެނާއަށް ހާޓް އެޓޭކް ޖެހުމާއެކު ވަގުތުން ހޮސްޕިޓަލަށް ގެންގޮސް ހިތް އަލުން މަސައްކަތް ކުރުވޭތޯ ބައި ގަޑިއިރު ވަންދެން ޑޮކްޓަރުން މަސައްކަތް ކުރިއެވެ. ނަމަވެސް އަބްދުއްރަހީމް ވަނީ މަރުވެފައެވެ.
ރޭގެ މެޗްގައި ފުރަތަމަ ލަނޑު ޖެހީ މެޗްގެ 22 ވަނަ މިނިޓްގައި މިސްރުގެ ތަރި މުހައްމަދު ސަލާހްއެވެ.
މެޗުގެ ފުރަތަމަ ހާފުގެ އިތުރު ވަގުތުކޮޅު ތެރޭގައި ސައުދީން ނަތީޖާ ހަމަހަމަކުރީ ޕެނަލްޓީއަކުންނެވެ. ސައުދީއަށް އެ ޕެނަލްޓީ ކާމިޔާބުކޮށްދިނީ ސަލްމާން އަލް ފަރާޖެވެ.
ދެ ޓީމުގެ ހަމަލާތަކެއް ފެނިގެންދިޔަ ދެވަނަ ހާފުގައި ސައުދީން ޖެހި ދެވަނަ ލަނޑު ފެނިގެން ދިޔައީ ހާފުގެ އިތުރު ވަގުތުކޮޅު ތެރޭގައެވެ. އަބްދުﷲ އަތައީފް ދިން ބޯޅައަކުން ސައުދީއަށް ލީޑު ހޯދައިދިނީ ސަލާމް އަލް ދަވްސަރީއެވެ.