05 Jul 2018, 12:42
ޓްރާންސް މޯލްޑިވިއަން އެއާވޭސް (ޓީއެމްއޭ)ގެ 50 ވަނަ ސީޕްލޭން ގެނެސްފި އެވެ.
ކެނެޑާގެ ކެލްގަރީއިން ގެނައި މި ސީޕްލޭން ވެލާނާ އިންޓަނޭޝަނަލް އެއާޕޯޓަށް ޖައްސާފައި ވަނީ އިއްޔެ ހަވީރު އެވެ.
ޓީއެމްއޭގެ ސީޕްލޭން ފްލީޓާއެކު ރާއްޖޭގެ ޓޫރިޒަމްގައި އެކުންފުނިން އަދާކުރާ ރޯލު ބޮޑެވެ. އެގޮތުން އެކި ކަންކޮޅުތަކަށް ޓޫރިސްޓުން އުފުލުމުގައި ޓީއެމްގޭ އިން އަޑަކުރާ ރޯލަކީ ފާހަގަކުރެވޭ މަސައްކަތެކެވެ.
ދުނިޔޭގެ އެންމެ ބޮޑު ސީޕްލޭން އޮޕަރޭޓާ ޓީއެމްއޭ އަކީ ޓީމްއޭ އާއި މޯލްޑިވިއަން އެއާޓެކްސީގެ ނަމުގައި ވަކިން ހިންގަމުން އައި ދެ ކުންފުނި އެއްކޮށްލައިގެން 2013 ވަނަ އަހަރު އުފައްދާފައިވާ ކުންފުންޏެކެެވެ. އެމެރިކާގެ ބްލެކްސްޓޯ އިން މި ދެކުންފުނި އެއްކޮށްލާ ޓްރާންސް މޯލްޑިވިއަންގެ ނަމުގައި ސީޕްލޭންގެ ހިދުމަތް ދޭންފެށިފަހުން މިހާރު 60 ރިސޯޓަށް ޓޫރިސްޓުން އުފުލަ އެވެ. މިދިޔަ އަހަރު ޓީއެމްއޭ އިން ވަނީ 1.29 މިލިއަން ޓޫރިސްޓުން އުފުލައިފަ އެވެ.
އެމެރިކާގެ ބާއިން ކެޕިޓަލް އެލްޕީ އާއި ޗައިނާގެ ޓަމްޕަސް ގްރޫޕާ ގުޅިގެން އުފަައްދާ ޖޮއިންޓް ވެންޗާއަކުން ޓީއެމްއޭގެ ހިއްސާ ގަންނަން ވަނީ އެއްބަސްވުމެއްގައި ސޮއިކޮށްފަ އެވެ.