31 Aug 2018, 12:00
ޕޮޕް މިއުޒިކްގެ ރަސްގެފާނު މައިކަލް ޖެކްސަން އަށް ބޮލީވުޑްގެ ކާމިޔާބު ބަތަލު ޓައިގާ ޝްރޮފް ޓްރިބިއުޓެއް ދީފިއެވެ.
މައިކަލް ޖެކްޝަންގެ 60 ވަނަ ބާރތު އެނިވާސަރީގައި ޓައިގާ ވަނީ އޭނާގެ އިންސްޓަގްރާމް އެކައުންޓްގައި މައިކަލަށް ޓްރިބިއުޓެއް ދީފައެވެ.
ޓައިގާ ވަނީ މައިކަލްގެ "ސްމޫތް ކްރިމިނަލް"ގެ ބީޓަށް ނަށާފައެވެ.
އިންސްޓަގްރާމްގައި އެ ވީޑިއޯ ޕޯސްޓްކުރުމަށް ފަހު ޓައިގާ ބުނީ އޭނާ މިހާރު ކުރަމުން އަންނަ މަސައްކަތްތަކުގެ އަސްލަކީ މައިކަލް ޖެކްސަން ކަމަށެވެ. ޓައިގާގެ ޓްރިބިއުޓަށް ގިނަ ބަޔަކު ތައުރީފްކުރަމުން އަންނައިރު ގިނަ ބަޔަކު އަންނަނީ ޓައިގާގެ ނެށުން ކަމުދާ ކަމަށް ބުނެފައެވެ.
މައިކަލް ޖެކްސަން ކުއްލި ގޮތަކަށް މަރުވެފައި ވަނީ 2009 ވަނަ އަހަރުގެ ޖޫން މަހުގެ 25 ވަނަ ދުވަހުގެރޭ މައިކަލްގެ ހަށިގަނޑަށް ބާރުގަދަ ބޭހެއް ކަމަށްވާ އެނެސްތެޓިކް ޕްރޮޕޮފޯލް ޑޯޒެއް އިންޖެކްޓް ކުރިތާ މާގިނައިރުތަކެއް ނުވަނީހެވެ.
އުމުރުން 50 އަހަރުގައި މަޝްހޫރު ލަވަކިޔުންތެރިޔާ މަރުވީ އޭނާގެ ޑޮކްޓަރު މުރޭ އޭނާގެ ގަޔަށްޖެހި ބާރުގަދަ އިންޖެކްޝަންގެ އިތުރުން ޖެކްސަން އަމިއްލައަށް އޭނާގެ ހަށިގަނޑަށް ޖެހި ނިދާ އެހެން އިންޖެކްޝަނެއްގެ ސަބަބުން ކަމަށް ތަހުގީގުތަކުން ހާމަވި އެވެ.