09 Dec 2018, 12:28

މިއަހަރުގެ މިސްވޯލްޑުގެ ތާޖު މެކްސިކޯގެ ރީތީގެ ރާނީ ވެނެސާ ޕޮންސް ޑެ ލިއޯން ހާސިލް ކޮށްފައެވެ.

ޗައިނާގައި ކުރިއަށް ދިޔަ މިސްވޯލްޑްގެ ފިނާލޭގައި މިއަހަރުގެ މިސްވޯލްޑުގެ ބޮލުގައި ރޯތީގެ ރާނީގެ ތާޖު އަޅުވައިދިނީ މިދިޔަ އަހަރުގެ ރީތީގެ ރާނީ، އިންޑިއާގެ މަނޫޝީ ޗިއްލަރެވެ.

މިއީ މެކްސިކޯއަށް މިސްވޯލްޑް ތާޖު ގެންދިޔަ ފުރަތަމަ ފަހަރެވެ. އުމުރުން 26 އަހަރުގެ ވެނެސާ އަކީ މެކްސިކޯގެ މޮޑެލް އެކެވެ.

ވެނެސާ އަކީ އިންޓަނޭޝަނަލް ބިޒްނަސް އިން ޑިގްރީ އެއް ހާސިލް ކޮށްފައިވާ މީހެކެވެ. އޭނާ އަކީ ވޮލަންޓްރީ މަސައްކަތް ކުރާ މީހެއްގެ އިތުރުން ރީހެބް ފޯ ގާލްސްގެ ބޯޑް ޑިރެކްޓަރެއްވެސް މެއެވެ.

މިދިޔަ އަހަރުގެ މިސްވޯލްޑުގެ ތާޖު ހޯދި މަނޫޝީ އަކީ 17 އަހަރަށްފަހު ދުނިޔޭގެ ރީތީގެ ރާނީގެ ތާޖު ހޯދި އިންޑިއާގެ ރީތީގެ ރާނީ އެވެ. މިއަހަރުގެ މިސްވޯލްޑް ރޭހުގައި ވާދަ ކުރި އިންޑިއާގެ ރީތީގެ ރާނީ އަނޫކްރީތޭ ވަނީ ވިސް ވޯލްޑުގެ ގަދަ 12 އިން ޖާގަ ނުލިބި މުބާރާތުން ވަކިވެފައެވެ.