14 Feb 2019, 17:38
ރައްޔިތުންގެ މަޖިލީހުގެ ރިޔާސީ އިންތިހާބަށް ކުރިމަތިލާ ކެންޑިޑޭޓުންގެ ކުށުގެ ރެކޯޑު ސާފުކުރުމަށް ހަފްތާ ބަންދުގައިވެސް ފޯމު ބަލައިގަތުމަށް ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަނުން ނިންމައިފިއެވެ.
ޑީޖޭއޭ އިން ކުރި އިއުލާނެއްގައި ބުނީ މާދަމާ މެންދުރު 14:30 އިން 18:00 އަށް އަދި ހޮނިހިރު ދުވަހުގެ 11:00 އިން 18:00 އަށް ފޯމު ހުށަހެޅުމުގެ ފުރުސަތު އޮންނާނެ ކަމަށެވެ.
އަދި މި ދެދުވަހު ހުށަހަޅާ ފޯމުތައް އާދިއްތަ ދުވަހު ޑީޖޭއޭގެ ރިސެޕްޝަނުން ބަލައިގަންނާނެ ކަމަށް އިއުލާނުގައި ވެއެވެ.
ރައޔިތުންގެ މަޖިލީހުގެ އިންތިހާބު މިމަހުގެ 21ގެ ނިޔަލަށް ވަނީ ހުޅުވާލައިފައެވެ. މިފަހަރުގެ އިންތިހާބުގައި 87 ދާއިރާ އަކަށް މެންބަރުން އިންތިހާބު ކުރާނެއެވެ.