28 Mar 2019, 17:11
ފަތުރުވެރިއަކު ހޭނެތިގެން ފަރުވާދެމުން ދަނިކޮށް މަރުވެއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ، ވ. އަތޮޅުގައި ހުންނަ އަލިމަތި ރިސޯޓު ކައިރީގައި އޮތް ސަފާރީއެއްގައި ހުރި އަންހެން ފަތުރުވެރިޔަކު ހޭނެތިގެން އުޅޭ ކަމުގެ މައުލޫމާތު މިއަދު 12:25 އެހާން ހާއިރު ލިބިފައިވާ ކަމަށެވެ.
އެ މައުލޫމާތު ލިބުމާ އެކު އެ އަންހެން މީހާ ވ. ފެލިދޫ ހޮސްޕިޓަލަށް ގެންގޮސް ފަރުވާ ދެމުން ދަނިކޮށް މަރުވެފައިވާ ކަމަށް އޮފިޝަލު ވިދާޅުވި އެވެ.
އޭނާ ވިދާޅުވީ، މަރުވެފައި ވަނީ ޓައިވާންއަށް ނިސްބަތްވާ އުމުުރުން 55 އަހަރުގެ އަންހެން ފަތުރުވެރިއެއް ކަމަށެވެ.
ފަހަކަށް އައިސް ފަތުރުވެރިން މަރުވުމުގެ ހާދިސާތައް ގިނަވެފައިވާ އިރު ޓޫރިޒަމް މިނިސްޓްރީން ދަނީ ފަތުރުވެރިން މަޑުކުރާ ތަންތަނުގެ ބޮޑު އިންސްޕެކްޝަނެއް ކުރަމުންނެވެ.