02 Apr 2019, 09:01
އއ. މަތިވެރި ގެސްޓްހައުސް އަކުން 70 އަށް ވުރެ ގިނަ ބަނގުރާ ފުޅި އަތުލައިގެންފި އެވެ.
ފުލުހުން ބުނީ ރޭ 21:00 އެހާކަންހާއިރު މަތިވެރި ގެސްޓްހައުސްއެއްގައި ރަލުގެ ވިޔަފާރި ކުރަމުންދާކަމަށް ފުލުހުންގެ އިންޓެލިޖެންސް އަށް ލިބުނު މައުލޫމާތަކާ ގުޅިގެން އެ ގެސްޓްހައުސް ބަލައި ފާސްކޮށްފައިވާ ކަމަށެވެ.
ކޯޓު އަމުރެއްގެ ދަށުން ގެސްޓްހައުސް ބަލާ ފާސްކުރި އިރު އެތަނުން 70 އަށް ވުރެ ގިނަ ބަނގުރާފުޅި އާއި ބަނގުރާ ކަމަށް ޝައްކު ކުރެވޭ އެއްޗެއް ހުސްކޮށްފައި ހުރި ގިނަ އަދަދެއްގެ ފުޅި ފެނިފައިވާ ކަމަށް ވެސް ފުލުހުން ބުންޏެވެ.
މި މައްސަލާގައި 18 އަހަރުގެ ފިރިހެނަކާއި 38 އަހަރުގެ ފިރިހެނެއް ހައްޔަރު ކޮށްފައިވާއިރު، އެ މައްސަލަ ފުލުހުން ދަނީ ތަހުގީގު ކުރަމުންނެވެ.
މި ފަހަކަށް އައިސް ފުލުހުންގެ އޮޕަރޭޝަންތަކުގައި ގިނަ އަދަދެއްގެ މަސްތުވާތަކެއްޗާއި ބަނގުރާ ވަނީ އަތުލައިގެންފަ އެވެ.