01 Oct 2019, 13:29
ހެންވޭރުގައި އިމާރާތް ކުރަމުން ދިޔަ ގެއަކުން ބިއްލޫރިގަނޑެއް ވެއްޓިއްޖެއެވެ.
ދިވެހިރާއްޖޭގެ އިސްލާމީ ޔުނިވާސިޓީ (އައިޔޫއެމް) ހުންނަ ވައިލެޓްމަގުގައި ނުވަ ބުރިއަށް އިމާރާތްކޮށްފައިވާ އެގޭގެ އެންމެ މަތީ ފަންގިފިލާގެ ބެލްކަނީގައި ހަރުކޮށްފައިވާ ބިއްލޫރިގަނޑު ވެއްޓި މުޅި މަގުމައްޗަށް ވަނީ ބިއްލޫރިތައް އެޅިފައެވެ.
ފުލުހުން ބުނީ ހެންވޭރު ވައިލެޓްމަގުގައި ހަދަމުންދިޔަ އިމާރާތަކުން ބިއްލޫރިގަނޑެއް ވެއްޓ އެ ސަރަހައްދުގައި ޕާކުކޮށްފައި ހުރި ސައިކަލުތަކަކަށް ގެއްލުންވެފައިވާ ކަމަށެވެ.
އެކަމުގެ ރިޕޯޓު ފުލުހުންނަށް ލިބުނީ މިއަދު 12:49 ހާއިރު ކަމަށާއި އެ މައްސަލައާއި ގުޅިގެން ފުލުހުން އެސަަރަހައްދުގައި ހަރަކާތްތެރިވަމުންދާކަމަށް ފުލުހުން ބުންޏެވެ.
މި ހާދިސާގައި މީހަކަށް ގެއްލުންވިކަމުގެ މައުލޫމާތެއް ލިބިފައެއް ނުވެއެވެ.