22 Jan 2020, 11:12
އިލެކްޝަން ކޮމިޝަނުގެ މެންބަރު ކަމަށް އެ ކޮމިޝަނުގެ ކުރީގެ ނައިބް ރައީސް އަހުމަދު ފަޔާޒު ހަސަން ކުރިމަތިލުމަށް ނިންމައި އެކަން އިއުލާން ކުރައްވައިފި އެވެ.
އެކަން ހާމަކޮށް ފަޔާޒު ކުރެއްވި ޓްވީޓެއްގައި ވިދާޅުވީ، ﷲގެ ވާގިފުޅާއެކު އިލެކްޝަންސް ކޮމިޝަން ގެ މެމްބަރުކަމަށް ކުރިމަތިލާން ނިންމައި އެކަމުގެ ފަތްތޫރަ ހިންގާ ކަމަށެވެ.
އީސީގެ މެންބަރުކަމަށް ފަޔާޒު ކުރިމަތިލައްވަން ނިންމާފައިވަނީ އެ ކޮމިޝަނުގެ ނައިބް ރައީސް އަހްމަދު އަކްރަމްގެ ދައުރު އަންނަ މާޗު މަހުގެ 23 ވަނަ ދުވަހަށް ހަމަވާތީ އެކަމަށް ކުރިމަތިލުމުގެ ފުރުސަތު ހުޅުވާލާފައިވާތީ އެވެ. އީސީގެ މެންބަރު ކަމަށް އަކުރަމް އައްޔަން ކުރެއްވީ 2015 ވަނަ އަހަރުގަ އެވެ.
އީސީގެ މެންބަރު ކަމަށް ފަޔާޒު ކުރިމަތިލައްވާނެކަން އިއުލާން ކުރައްވާފައިވާއިރު އޭނާގެ ގޮނޑި 2014 ވަނަ އަހަރު ގެއްލުނީ ގުޅިގެންނެވެ. ފަޔާޒަށް ހުކުމް ކޮށްފައިވަނީ، ސިޔާސީ ޕާޓީތަކުގެ ގާނޫނުގެ ބައެއް މާއްދާތައް ބާތިލްކުރުމަށް ދައުލަތުގެ ބަންޑާރަ ނާއިބް ހުށަހެޅުއްވި މައްސަލަ ބެލުމަށް ފަހު އެ ކޯޓުން ކުރި ހުކުމްގައި 3000 މެމްބަރުން ހަމަނުވާ ސިޔާސީ ޕާޓީތައް އުވޭނެ ކަމަށް ބުނެފައި ނުވަނީސް އެކަން ކުރުމުން ނެވެ.
އިލެކްޝަން ކޮމިޝަނުގައި މިހާރު ތިއްބަވަނީ އެ ކޮމިޝަންގެ ރައީސް އަހްމަދު ޝަރީފާއި، ނައިބް ރައީސް އަހުމަދު އަކުރަމާއި، މެންބަރު ފުއާދު ތައުފީގާއި، މެންބަރު އިސްމާއީލް ހަބީބު އަދި މެންބަރު އަލީ ނަޝާތު އެވެ.