06 Apr 2020, 09:58
ރީތި ލަވަތަކެއް އާންމުންނަށް ގެނެސްދީފައިވާ އިންޑިއާގެ ކާމިޔާބު ލަވަކިޔުންތެރިޔާ ކަނީކާ ކަޕޫރު 41، ފަސް ވަނަ ޓެސްޓުން ކޮރޯނާއަށް ނެގަޓިވްވެއްޖެ އެވެ.
ކަނީކާ ކޮރޯނާއަށް ޕޮޒިޓިވްވެފައިވާކަން މީޑިއާތަކަށް ތިލަވީ މިދިޔަ މަހު މެދެއްހާ ހިސާބުގަ އެވެ. ކަނީކާއަށް ފަރުވާތައް ދިނުމަށް ފަހު އެކި ފަހަރުތަކުގެ މަތިން ޓެސްޓްކުރި ނަމަވެސް އޭނާ އެ ބައްޔަށް ވަނީ ޕޮޒިޓިވްވެފައެވެ. އެ މުއްދަތުގެ ތެރޭގައި ހެދި ފަސްވަނަ ޓެސްޓުން އޭނާ ވަނީ ކޮރޯނާއިން ސަލާމަތްވެފަ އެވެ.
ލަންޑަނުގައި އުޅުމަށް ފަހު އެނބުރި އިންޑިއާއަށް ދިޔަ ފަހުން ކަނީކާ ކޮރޯނާއަށް ޕޮޒިޓިވްވި އިރު އޭނާ ވަނީ އިންޑިއާއަށް ގޮސް ޕާޓީއެއް ވެސް ބާއްވައިފަ އެވެ.
ލަވަކިޔުންތެރިޔާ މިވަގުތު ލަކްނޯ ހޮސްޕިޓަލްގައި ހުރިއިރު އޭނާ ދޫކޮށްލެވޭނީ އިތުރު ޓެސްޓެއް ނެގަޓިވް ކަމަށް ދެއްކުމުން ކަމަށް ޚަބަރުތައް ބުނެ އެވެ.
ލަވަކިޔުންތެރިޔާ ކަނީކާ ވަނީ ގިނަ އަދަދެއްގެ ލަވަތަކެއް ކިޔާފައެވެ. އޭގެ ތެރޭގައި "ބޭބީޑޯލް"، "ކަމްލީ" އަދި "ދޭސީ ލުކް" ހިމެނެ އެވެ.