16 Apr 2020, 06:44
ވަރުގަދަ ޕޮޕް މިއުޒިކްގެ ބޭންޑް "ވަން ޑިރެކްޝަން"ގެ 10 ވަނަ އަހަރީ ދުވަހު ގްރޫޕްގެ ހުރިހާ މެންބަރުންގެ ރީޔޫނިއަނެއް އޮންނާނެ ކަމުގެ އަޑު ފެތުރެން ފަށައިފިއެވެ.
ވަން ޑިރެކްޝަންގެ މެންބަރެއްކަމަށްވާ ލިއަމް ޕޭން ބުނީ ބޭންޑުގެ 10 ވަނަ އަހަރީ ދުވަހު ހުރިހާ ތަރިން ރީޔޫނިއަން އެއް ބާއްވަން ވަރަށް ގަދައަށް ވާހަކަދެކެވެމުން އަންނަ ކަމަށެވެ. މިވަގުތު މާބޮޑު ވާހަކައެއް ބުނެދެވެން ނެތް ކަމަށާއި ނަމަވެސް ވަރަށް އުފާވެރި ޚަބަރެއް އަވަސް މުސްތަގްބަލުގައި ދެވޭނެކަމަށް އޭނާ ވަނީ ބުނެފައެވެ.
ވަން ޑިރެކްޝަންގެ ބޭންޑް އުފެދުނީ 2010 ވަނަ އަހަރުގެ ޖުލައި މަހުގައެވެ. ނަމަވެސް 2016 ވަނަ އަހަރު އެ ބޭންޑް ވަނީ ރޫޅިފައެވެ. ބޭންޑުގެ މުހިއްމު މެންބަރެއް ކަމަށްވާ ޒޭން މަލިކް 2015 ވަނަ އަހަރު ބުނީ "ވަން ޑިރެކްޝަން" އަކީ އޭނާގެ ޓޭސްޓެއް ނޫންކަމަށެވެ.
އެ ބޭންޑުގެ މެންބަރުންނަކީ ޒޭން މަލިކް، ނަޔަލް ހޯރަން، ލިއަމް ޕޭން، ހެރީ ސްޓައިލްސް އަދި ލުއީ ޓޮމްލިންސަންއެވެ. ބޮޑު ކާމިޔާބީތަކެއް ހޯދާފައިވާ ވަން ޑިރެކްޝަން ބޭންޑުގެ ލަވަތަކަކީ އަދިވެސް ދިވެހިން ވެސް އަޑުއަހަމުން އަންނަ ލަވަތަކެކެވެ. އެ ބޭންޑަކީ އެއް އިރެއްގައި ދިވެހިންގެ ހިތްތައް ދެވިފައިވާ މަގްބޫލު ބޭންޑެކެވެ.