23 Apr 2020, 13:37
ކޮރޯނާވައިރަސް، ކޮވިޑް-19 ޖެހިފައިވާ އިތުރު ނުވަ މީހަކު މާލެއިން ފެނިއްޖެ އެވެ.
އެޗްޕީއޭއިން ބުނީ މިފަހަރު ޕޮޒިޓިވްވި މީހުންގެ ތެރޭގައި ހިމެނެނީ، ހަތަރު ދިވެހިންނާއި ފަސް ބަންގްލަދޭޝަންގެ ރައްޔިތުން ކަމަށެވެ.
އެޗްޕީއޭއިން ބުނީ، ޕޮޒިޓިވްވި ނުވަ މީހުން މިހާރު އައިސޮލޭޝަން ފެސިލިޓީއަށް ގެންދިޔުމުގެ މަސައްކަތް ކުރަމުން ގެންދާ ކަމަށެވެ.
އެއާއެކު މާލެއިން ކޮވިޑް-19 އަށް ޕޮޒިޓިވްވި ކޭސްތަކުގެ އަދަދު ވަނީ މިހާރު 75 އަށް އަރާފައެވެ.
މިދިޔަ ބުރާސްފަތި ދުވަހުގައި މާލެއިން ފުރަތަމަ ޕޮޒިޓިވް ކޭސް ފެނުނުއިރު މިދިޔަ އާދިއްތަ އާއި ހޯމަ ދުވަހު ވަނީ 17 ޕޮޒިޓިވް ކޭސް ފެނިފައެވެ. އަދި އަންގާރަ ދުވަހު 15 ޕޮޒިޓިވް ކޭސް ފެނުނު އިރު އިއްޔެ ފެނިފައިވަނީ ތިން ޕޮޒިޓިވް ކޭސް އެވެ.
މިއަދުގެ ޕޮޒިޓިވް ނުވަ ކޭސް އާއެކު މިހާރު އެ ވައިރަސް އަށް ރާއްޖެއިން ޕޮޒިޓިވްވި މީހުންގެ އަދަދު ވަނީ 95 އަށް އަރާފައެވެ.
މިހާތަނަށް ރާއްޖެއިން ޓެސްޓްކުރުމަށް ނެގީ 4،696 މީހުންގެ ސާމްޕަލްއެވެ. ނަތީޖާ ނުލިބޭ ސާޕްލްތަކުގެ އަދަދަކީ، 383 އެވެ. އޭގެ ތެރެއިން 246 ސާމްޕަލް އަކީ، ކުރެއްދޫ ރިސޯޓުގެ މުވައްޒަފުންގެ ސާމްޕަލް އެވެ.