05 Jun 2020, 22:04
ރާއްޖެއިން އިތުުރު 11 މީހަކު ކޮވިޑް19 އަށް ޕޮޒިޓިވް ވެއްޖެއެވެ.
އެޗްޕީއޭ އިން ބުނީ މިއަދު ޕޮޒިޓިވް ވީ މީހުންގެ ތެރޭގައި ހިމެނެނީ އަށް ދިވެހިންނާއި ތިން ބަންގްލަދޭޝް މީހުން ކަމަށެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވީ މީހުންގެ ޖުމްލަ ވަނީ 1883 އަށް އަރައިފައެވެ.
މީގެ ތެރޭ ހިމެނެނީ ބަންގްލަދޭޝްގެ 1018 މީހުންނާއި 623 ދިވެހިންނެވެ. މީގެ އިތުރުން 190 އިންޑިއާ މީހުންނާއި 23 ނޭޕާލް މީހުން، އިޓަލީގެ 11 މީހުން، ލަންކާގެ ނުވަމީހުން ޕާކިސްތާނުގެ ތިންމީހުން އަދި އެހެން ގައުމުތަކުގެ ހަތަރު މީހުން ހިމެނެއެވެ.
މިހާރު ކޮވިޑަށް ފަރުވާދެމުންދަނީ 1157 މީހުންނަށް ކަމަށް އެޗްޕީއޭ އިން ބުންޏެވެ.
އެޗްޕީއޭ އިން ބުނީ މިހާރު ރާއްޖެއިން 717 މީހަކު ބަލިން ރަނގަޅުވެފައިވާ ކަމަށެވެ. ހަތް މީހަކު ބަލީގައި މަރުވެފައިވާއިރު މީގެ ތެރޭގައި ހިމެނެނީ ހަތަރު ދިވެހިންނާއި ތިން ބަންގްލަދޭޝް މީހުންނެވެ.