19 Jul 2020, 22:17
ޖުމްލަ 36 މީހަކު މިއަދު ކޮވިޑަށް ޕޮޒިޓިވްވެފައިވާއިރު އޭގެ ތެރެއިން ގިނައީ ދިވެހިން ކަމަށް އެޗްޕީއޭ އިން ބުނެފި އެވެ.
މިއަދު ޕޮޒިޓިވްވި މީހުންގެ ތެރެއިން 29 މީހުންނަކީ ދިވެހިންނެވެ. އަދި ބަންގްލަދޭޝްގެ ފަސް މީހަކު ޕޮޒިޓިވްވެފައިވާއިރު ދެން ޕޮޒިޓިވްވެފައިވަނީ އިންޑިއާގެ ދެ މީހެކެވެ.
އެޗްޕީއޭ އިން ކޮންމެ ދުވަހަކު ވެސް އާންމު ކުރަމުންދާ ތަފާސް ހިސާބްތަކުން ދައްކާ ގޮތުން ވޭތުވެދިޔަ 24 ގަޑިއިރު ތެރޭގައި ވަނީ، 658 ސާމްޕަލެއް ނަގާފަ އެވެ.
މިއަދު ވަނީ އަށް މީހަކު އެ ބަލިން ރަނގަޅުވެފަ އެވެ.
ރާއްޖެ އިން ޖުމްލަ 2966 މީހަކަށް ކޮވިޑް ޖެހިފައިވާއިރު މިހާރު އެ ބައްޔަށް ފަރުވާ ހޯދަމުން އަންނަނީ 574 މީހެކެވެ. އަދި އެ ބަލީގައި 15 މީހަކު ވަނީ ދުނިޔެ ދޫކޮށް ގޮސްފަ އެވެ.
ވެރި ރަށް މާލޭގައި ކޮވިޑް ފެތުރެމުންދާއިރު އެންމެ ގިނައިން ޕޮޒިޓްވިވެފައިވަނީ ބަންގަލަދޭޝް މީހުނެވެ. ނަމަވެސް މާލޭގެ ފުރަބަންދަށް ލުއިދިން ފަހުން ބިދޭސީންނަށް ވުރެން ދިވަހިން ޕޮޒިޓިވްވާލެއް ވަނީ އިތުރުވެފަ އެވެ.