20 Oct 2020, 11:19
ރާއްޖޭގެ އާބާދީ އާއި ދިރިއުޅޭ ތަންތަނުގެ ބޯހިމެމުން 2022 ވަނަ އަހަރު ބާއްވާނެކަން ހައުސިން އެންޑް ޕްލޭނިން މިނިސްޓަރު މުހައްމަދު އަސްލަމް އިއުލާންކުރައްވައިފި އެވެ.
ދުނިޔޭގެ ތަފާސްހިސާބު ދުވަހާ ގުޅިގެން ޒޫމް މެދުވެރިކޮށް ބޭއްވި ހަފްލާގައި މިނިސްޓަރު އަސްލަމް ވިދާޅުވީ، 2022 ވަނަ އަހަރު ބޯހިމެނުމަށްޓަކައި ވާން ޖެހޭ ތައްޔާރީތައް މިހާރުވެސް ވަމުންދާ ކަމަށެވެ.
ހަމައެއާއެކު ބޯހިމެނުން ފުރިހަމަވާނީ ހުރިހާ ރައްޔިތުންގެ ވެސް ބައިވެރިވުމާއެކު ކަން ފާހަގަކުރައްވައި އެކަމަށް އެއްބާރުލުން ދިނުމަށް މިނިސްޓަރު އަސްލަމީ ރައްޔިތުންނަށް އިލްތިމާސް ކުރެއްވި އެވެ.
ރާއްޖޭގައި އެންމެ ފުރަތަމަ ބޯހިމަނާފައިވަނީ 1911 ވަނަ އަހަރުގަ އެވެ. އެގޮތުން ކޮންމެ 10 އަހަރަކުން އެއް އަހަރު ބޯހިމަނަމުން ގޮސް، 1931 ވަނަ އަހަރު މެދުކެނޑުމެއްއަ އެވެ.
އެންމެ ފަހުން 2014 ވަނަ އަހަރު މުޅި ރާއްޖޭގައި ކުރިޔަށް ގެންދިޔަ، އާބާދީ އާއި ދިރިއުޅޭ ތަންތަނުގެ ބޯހިމެނުމުގެ ނަތީޖާ ދައްކާ ގޮތުގައި އޭރު ރާއްޖޭގައި ދިރިއުޅޭ މީހުންގެ އާބާދީއަކީ 402،071 އެވެ.