02 Nov 2020, 07:21
ޑިމޮކްރަސީއަށް ތާއިދުކުރާ ހޮންގްކޮންގްގެ ޕާލަމަންޓް މެމްބަރުން (އެމްޕީ)ން ތަކެއްް ހައްޔަރުކޮށްފި އެވެ.
އެގޮތުން ހަތް އެމްޕީންް ވަނީ ހައްޔަރުކޮށްފަ އެވެ. އެ މީހުން ހައްޔަރުކުރީ މިދިޔަ މޭ މަހު ހޮންގްކޮންގެ ލެޖިސްލޭޓިވް ކައުންސިލްގައި ހިނގި ހަމަނުޖެހުންތަކާ ގުޅިގެންނެެވެ.
ހޮންގްކޮންގްގެ ފުލުހުން ބުނީ އެ މީހުން ހައްޔަރުކުރީ ނަފްރަތު އުފެއްދުމާއި ކައުންސިލް މެމްމަރުންގެ މަސައްކަތަށް ހުރަސް އެޅުމުން ކަމަށެވެ.
މައްސަލަ ގޯސްވީ ޗައިނާއަށް ތާއިދުކުރާ މީހަކު ގަދަކަމުން ލެޖިސްލޭޓިވް ކައުންސިލްގެ ޗެއާޕާސަންގެ މަގާމަށް ލުމުންނެވެ. ނަމަވެސް ޑިމޮކްރަސީއަށް ތާއިދުކުރާ އެމްޕީން ވަނީ އެކަން ހުއްޓުވަން މަސައްކަތް ކޮށްފަ އެވެ.
އެ ހަމަނުޖެހުންތަކުގައި ޝާމިލްވާ މީހުންގެ ތެރެއިން ޗައިނާއަށް ތާއިދުކުރާ އެމްޕީއަކު ހައްޔަރުކޮށްފައެއް ނުވެ އެވެ.
ހައްޔަރުކުރި މީހުންގެ ތެރޭގައި ޑިމޮކްރެޓިކް ޕާޓީއަށް ނިސްބަތްވާ ވޫ ޗީ ވައި، އެންޑްރޫ ވާން ސިއު ކިން، ހެލީނާ ވޮންގް ޕިކް ވާން އަދި ލޭބާ ޕާޓީއަށް ނިސްބަތްވާ ފެނާންޑޯ ޗެއުންގް ޗިއު ހިމެނެ އެވެ.
އެ މައްސަލައިގައި ކުށް ސާބިތުވެއްޖެނަމަ އެއް އަހަރު ދުވަހުގެ ޖަލު ހުކުމެއް އަންނާނެ އެވެ. -- ބީބީސީ