12 Nov 2020, 22:22
މިއަދު ރާއްޖެއިން އިތުރު 26 މީހަކު ކޮވިޑަށް ޕޮޒިޓިވްވެއްޖެއެވެ.
އެޗްޕީއޭއިން ބުނީ އިއްޔެ ހަޔަކުން މިއަދު ހަޔަކާ ހަމައަށް 1444 ސާމްޕަލް ނެގިކަމަށާއި އޭގެ ތެރެއިން 26 ސާމްޕަލެއް ޕޮޒިޓިވްވި ކަމަށެެވެ.
ޕޮޒިޓިވްވި 26 ސާމްޕަލްތަކުގެ ތެރެއިން 25 ސާމްޕަލެއް ޕޮޒިޓިވްވީ މާލެއިންއެވެ. އަދި އެއް ސާމްޕަލެއް އަތޮޅު ތެރެއިން ޕޮޒިޓިވްވިއެވެ.
މިއަދު ޕޮޒިޓިވްވި މީހުންގެ ތެރެއިން 16 މީހުންނަކީ ދިވެހީންނެވެ. އަދި ބިދޭސީންގެ 10 މީހުންވެސް ޕޮޒިޓިވްވިއެވެ.
އެއާއެކު ރާއްޖެއިން ކޮވިޑް ޖެހުނު މީހުންގެ އަދަދު 12،085 އަށް ވަނީ އަރައިފައެވެ.
އެޗްޕީއޭއިން ބުނީ މިވަގުތު ކޮވިޑް ބަލިހުރި 812 މީހަކު ރާއްޖޭގައި އެބަހުރި ކަމަށެވެ. އޭގެ ތެރެއިން 52 މީހަކަށް ހޮސްޕިޓަލްގައި ފަރުވާ ދެމުންދާއިރު 234 މީހަަކަށް އައިސޮލޭޝަން ފެސިލިޓީގައި ދަނީ ފަރުވާ ދެމުންނެވެ.
ރާއްޖެއިން ކޮވިޑް ޖެހުނު މީހުންގެ ތެރެއިން 11،225 މީހަކު ރަނގަޅުވިއިރު ބަލީގައި 41 މީހަކު ވަނީ މަރުވެފައެވެ.