03 Dec 2020, 13:46
ލ. އަތޮޅަށް ކުރައްވާ ދަތުރުފުޅެއްގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މިއަދު ފުރާވަޑައިގެންފި އެވެ.
ރައީސްގެ މި ދަތުރުފުޅުގައި ކައްދޫ އަދި ގަމަށް ވަޑައިގަންނަވާނެ އެވެ.
މި ދަތުރުފުޅުގައި މިއަދު ކައްދުއަށް ވަޑައިގެން މޯލްޑިވްސް ނެޝަނަލް ޑިފެންސް ފޯސްގެ ސެންޓްރަލް އޭރިއާގެ މަރުކަޒުގައި ކުރިއަށްގެންދަން ހަމަޖެހިފައިވާ ތަމްރީނުތަކެއްގެ ޑެމޯ ބައްލަވާލައްވާނެ އެވެ. އަދި ގަމަށް ވަޑައިގެން އެ ރަށުގެ ރައްޔިތުންނާ ބައްދަލުކުރައްވާނެ އެވެ.
މީގެ އިތުރުން ގަމުގެ މަރުކަޒީ އިންޖީނުގެ އެއް ވިއުގައަކުން ގުޅާލުން އިފްތިތާހު ކޮށްދެއްވައި އެ ރަށުގައި ތަރައްގީކޮށްފައިވާ ޒޯން ސްޓޭޑިއަމްގެ ފުޓުބޯޅަ ދަނޑު އިފްތިތާހު ކޮށްދެއްވާނެ އެވެ.
އަދި އެ ރަށުގައި ހުންނަ ގަން ރީޖަނަލް ހޮސްޕިޓަލުގައި އަލަށް ތައާރަފުކުރާ ސީޓީ ސްކޭންގެ ހިދުމަތް ވެސް ރައީސް ފައްޓަވާ ދެއްވާނެއެވެ.