16 Feb 2021, 22:04
ރާއްޖެއިން އިތުރު 129މީހަކު ކޮވިޑް19 އަށް ޕޮޒިޓިވް ވެއްޖެއެވެ.
އެޗްޕީއޭ އިން މިރޭ އާންމު ކުރި ހިސާބުތަކަށް ބަލާއިރު މީގެ ތެރޭގައި މާލެ ސަރަހައްދުން ޕޮޒިޓިވްވި 120 މީހަކުވެސް ހިމެނެއެވެ.
މިއަދު ޕޮޒިޓިވްވި މީހުންގެެ ތެރޭގައި ދެން ހިމެނެނީ ރަށްރަށުން ޕޮޒިޓިވްވި ތިން މީހަކާއި ރިސޯޓުތަކުން ޕޮޒިޓިވްވި ހަ މީހެކެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ ވަނީ 18،082 އަށް އަރައިފައެވެ.
މިވަގުުތު 2،384 މީހަކު ރާއްޖޭގައި ކޮވިޑަށް ފަރުވާ ހޯދަމުންދާއިރު 172 މީހަކު ތިބީ ހޮސްޕިޓަލުގައި އެޑްމިޓު ކޮށްފައެވެ.
ބަލިން ރަނގަޅުވި މީހުންގެ ޖުމްލަ 15،633 އަށް އަރާއިރު މިދިޔަ 24 ގަޑިއިރު ތެރޭ 73 މީހަކު ވަނީ ބަލިން ރަނގަޅުވެފައެވެ.
ކޮވިޑް ޖެހިގެން ރާއްޖެއިން މިހާތަނަށް 58 މީހަކު ވަނީ މަރުވެފައެވެ.