24 Feb 2021, 14:08
މަކަރާއި ހީލަތުން ފައިސާ ހޯދާފައިވާކަމަށް ތުހުމަތު ކުރެވޭ މައްސަލައެއްގައި ތަހުގީގަށް މީހަކު ހާޒިރުކުރުމަށް ފުލުހުން އޭނާގެ ވަނަވަރު ހާމަކޮށްފި އެވެ.
ފުލުހުން ހޯދުމަށް އިއުލާން ކުރީ، މައުރޫފު އަލީ 37، ނާދީ/ ބ. އޭދަފުށި އެވެ.
ފުލުހުން މިއަދު ބުނީ، އެ މައްސަލައަކީ، ހުޅުމާލެ ޕޮލިސްއަށް ހުށަހެޅި ބަލަމުންދާ މަކަރާއި ހީލަތުން ފައިސާ ހޯދާފައިވާކަމަށް ތުހުމަތުކުރެވޭ މައްސަލައެއް ކަމަށެވެ.
އޭނާގެ ވަނަވަރު ހާމަކުރީ، ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައިނުވާތީ ކަމަށް ފުލުހުން ބުންޏެވެ. އަދި އެކަންކޮށްފައިވަނީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ ދަށުން ކަމަށް ފުލުހުން ބުންޏެވެ.