31 Mar 2021, 22:16
މިއަދު އެކަނި 241 މީހަކު ރާއްޖެއިން ކޮވިޑް-19އަށް ޕޮޒިޓިވްވެއްޖެ އެވެ.
މިއަދު ޕޮޒިޓިވް ވި މީހުންގެ ތެރޭގައި ހިމެނެނީ މާލެ ސަރަހައްދުން 73 މީހަކާއި ރަށްރަށުން 74 މީހަކާއި ރިޒޯޓުތަކުން 15 މީހުންނާއި އިންޑަަސްޓްރިއަލް ރަށްރަށުން 79 މީހެކެވެ.
މިއާއެކު ރާއްޖެއިން ޕޮޒިޓިވްވި މީހުންގެ ޖުމްލަ ވަނީ 24،079 އަށް އަރާފަ އެވެ.
މިވަގުތު 2،849 މީހަކު ކޮވިޑަށް ފަރުވާ ހޯދަމުން ދާއިރު އޭގެ ތެރެއިން 647 މީހުންނަކީ އަތޮޅު ތެރެއިން ޕޮޒިޓިވްވި މީހުންނެވެ. 99 މީހުންނަށް ފަރުވާދެމުންދަނީ ހޮސްޕިޓަލުތަކުގައި އެޑްމިޓްްކޮށްގެންނެވެ.
މި ބަލިން ރަނގަޅުވި މީހުންގެ ޖުމްލަ 21،155 އަށް އަރާފައިވާއިރު މިދިޔަ 24 ގަޑިއިރު ތެރޭ 171 މީހަކު ވަނީ ބަލިން ރަނގަޅުވެފަ އެވެ.
މިހާތަނަށް ކޮވިޑު ޖެހިގެން ރާއްޖެއިން 67 މީހަކު މަރުވެފައިވެ އެވެ.
އަތޮޅު ތެރޭގެ ކޭސްތައް ގިނަވެފައިވާއިރު، ކޭސްތައް ގިނަވެ މިއަދު ޅ. ނައިފަރާއި، ހ. ހުރާގައި އާންމުން ބޭރަށް ނުކުމެ އުޅުން ވަނީ މަނާކޮށްފަ އެވެ. އޭގެ އިތުރުން، މަސް ފެކްޓަރީ ހިންގާ ޅ. ފެލިވަރުގެ ކޭސްތައްވެސް ވަނީ ވަރަށް ގިނަވެފަ އެވެ.