03 Jun 2021, 17:18
ރާއްޖޭގައި އިއުލާނުކޮށްފައިވާ ސިއްހީ ކުއްލި ނުރައްކަލުގެ ހާލަތު އިތުރު އެއް މަހަށް ދަންމާލައިފި އެވެ.
ކޮވިޑް19 ފެތުރުން ކޮންޓްރޯލުކުުރުމަށް އަޅާފައިވާ ފިޔަވަޅެއްގެ ގޮތުން 2020 މާޗު 12 އިން ފެށިގެން ރާއްޖޭގައި ވަނީ ސިއްހީ ކުއްލި ނުރައްކާ އިއުލާނު ކޮށްފަ އެވެ. ސިއްހީ ކުއްލި ނުރައްކަލުގެ ހާލަތުގެ މުއްދަތު އެކި ފަހަރު މަތިން އިތުރުކުރަމުން ދާއިރު، އެ މުއްދަތު އިތުރުކޮށް ހެލްތު މިނިސްޓަރު އަހުމަދު ނަސީމް ސޮއިކުރައްވާ ނެރުއްވި ގަރާރުގައި ވަނީ މިއަދުން ފެށިގެން ޖުލައި މަހުގެ ތިން ވަނަ ދުވަހުގެ ނިޔަލަށް ސިއްހީ ކުއްލި ނުރައްކަލުގެ މުއްދަތު އިތުރުކޮށްފައިވާ ކަމަށެވެ.
ސިއްހީ ކުއްލި ނުރައްކަލުގެ މުއްދަތު ދަންމާލާފައިވާއިރު، ރާއްޖޭގައި ކޮވިޑް ފެތުރޭ މިންވަރު އިތުރުވެ ރައްކާތެރިކަމުގެ ފިޔަވަޅުތައް ވެސް ވަނީ ވަރުގަދަ ކޮށްފަ އެވެ.